የሩሲያ የመከላከያ ሚኒስቴርን እንዳስታወቀዉ የሩሲያ ኢሊዩሺን ኢል-76 ወታደራዊ ማመላለሻ አውሮፕላን በሩሲያ ቤልጎሮድ ክልል ተከስክሷል።
በአውሮፕላኑ ውስጥ 65 የዩክሬን የጦር እስረኞች ከስድስት የበረራ ሰራተኞች እና ሌሎች ሶስት ተሳፋሪዎች ጋር እንደነበሩ ሚኒስቴሩ አስታዉቋል፡፡ኤ.ፒ.ኤ እንደዘገበው አደጋው የተከሰተው እሮብ ከረፋዱ 5 ሰዓት አካባቢ ነው። በሕይወት የተረፈ ሰው እንደሌለ ተገልጿል፡፡
ባለሥልጣናቱ የአደጋውን መንስኤ በማጣራት ላይ ሲሆኑ ልዩ ወታደራዊ ኮሚሽን ወደ አደጋው ቦታ መላኩን የመከላከያ ሚኒስቴር አስታውቋል።ሪያ ኖቮስቲ የተሰኘ የዜና ወኪል የክልሉ ገዥ ቪያቼስላቭ ግላድኮቭ ስለ አደጋዉ ማረጋገጫ ቢሰጡም ተጨማሪ ዝርዝር መረጃ ከመስጠት ተቆጥበዋል፡፡
የሩሲያ ፕሬዚዳንታዊ ቃል አቀባይ ዲሚትሪ ፔስኮቭ እንደተናገሩት ክሬምሊን ስለ አደጋው እንደሚያዉቅ ቢገልጹም ወደ ዝርዝር ጉዳዮች ለመግባት ፈቃደኛ አልሆኑም።
በስምኦን ደረጄ

2 Responses