photo_2024-06-21_12-39-21

ሰኔ  14፤2016 – ትራምፕ በአሜሪካ ኮሌጆች ተምረው ሊሚመረቁ የውጭ ሀገራት ተማሪዎች ግሪን ካርድ እሰጣለሁ አሉ

በኢሚግሬሽን ላይ ባላቸው ጠንካራ አቋም የሚታወቁት የቀድሞ የአሜሪካ ፕሬዝደንት ዶናልድ ትራምፕ በአሜሪካ ተምረው የሚመረቁ ሰዎች በአገር ውስጥ መቆየት መቻል አለባቸው ብለዋል።

የቀድሞ የዩናይትድ ስቴትስ ፕሬዝዳንት ዶናልድ ትራምፕ በ2024ቱ ምርጫ ከተመረጡ በአሜሪካ ኮሌጆች ለሚገኙ የውጭ ሀገራት ምሩቃን ግሪን ካርድን እንደሚሰጡ የገለፁ ሲሆን ይሄም በኢምግሬሽንና ስደተኞች ላይ የነበራቸውን ጠንካራ አቋም መለሳለሱ ማሳያ ተብሏል።

ሐሙስ ዕለት ከሲሊኮን ቫሊ የቴክኖሎጂ ባለሀብቶች ጋር በፖድካስት ቃለ መጠይቅ ላይ ትራምፕ ተሰጥኦዎችን ወደ አሜሪካ ለማምጣት ቀላል ለማድረግ ቃል በመግባት ማንኛውም ከአሜሪካ ኮሌጅ የሚመረቅ ሰው በአገሪቷ መቆየት መቻል አለበት ብለዋል።

ትራምፕ ኦል-ኢን ፖድካስት ላይ “ከሃርቫርድ፣ MITና ሌሎች ታላላቅ ትምህርት ቤቶች ያፈሩዋቸውን ሰዎችን ስናጣ በጣም ያሳዝናል ብለዋል። ትራምፕ አክለውም “በዚህ አገር ለመቆየት እንድትችል እንደ ዲፕሎማህ አካል ግሪን ካርድ ወዲያውኑ ማግኘት ያለብህ ይመስለኛል” ሲሉ ትራምፕ ገልፀዋል።

ግሪን ካርድ ለግለሰቦች በአሜሪካ ውስጥ በቋሚነት የመኖር እና የመስራት መብትን እንዲሁም የሀገሪቱን የዜግነት ማግኛ መንገድን ያመቻቻል። በየዓመቱ በመቶ ሺዎች የሚቆጠሩ አዲስ የዜግነት አመልካቾችን ይፈጥራል የተባለው የትራምፕ ሀሳብ በሪፐብሊካን ፓርቲ ውስጥ ከፍተኛ ተቀባይነትና ቦታ እንዲያገኝ ካደረገው የኢሚግሬሽን ጠንካራ አቋም መውጣቱን ያሳያልም ተብሎለታል።

በአንድ ወቅት ስደተኞች “የአገራችንን ደም እየበከሉ ነው” ያሉት ትራምፕ በአሜሪካ ታሪክ ትልቁ የሆነውን ሰነድ አልባ ስደተኞችን ለማባረር ቃል ገብተውም ነበር።

ማክሰኞ በዊስኮንሲን ውስጥ በተካሄደው የዘመቻ ዝግጅት ላይ ትራምፕ በዚህ ሳምንት ባወጁት ፕሮግራም ላይ ህጋዊ ሰነድ የሌላቸው የአሜሪካ ነዋሪዎች ባለትዳሮች ጨመ ከአገሪቱ መውጣት ሳያስፈልጋቸው ለቋሚ መኖሪያነት እንዲያመለክቱ ያስችላቸዋል። “አገራችን በወረራ ላይ ነች። አሁን ስለ ሌላ ነገር መነጋገር የለብንም ፣ ይልቁንም ወረራውን ለማስቆም መነጋገር አለብን ብለዋል።

የአገር ውስጥ ደህንነት ዲፓርትመንት ባወጣው ግምታዊ ቁጥር መሠረት 11 ሚሊዮን የሚሆኑ ስደተኞች ያለፈቃድ በአሜሪካ ይኖራሉ ብሎል። ትራምፕ በኦል-ኢን Podcast ላይ በታዩበት ወቅት ምንም እንኳን በቀደመው የስልጣን ዘመናቸው ግሪን ካርዶችን ለተመራቂ ተማሪዎች የመስጠት እቅድ የነበራቸው እንደሆነ ቢገልፅም የኮቪድ ወረርሽኙ ግን ግሪን ካርዶችን ለውጭ ተመራቂዎች የመስጠት እቅዱን እንዳስተጓጎለው ገልፀዋል።

በሚሊዮን ሙሴ

448825499_889948019816639_8271812621063267569_n

ሰኔ  14፤2016 – የኢትዮጵያ ዓየር መንገድ 2 ሽልማቶችን አሸነፈ

የኢትዮጵያ አየር መንገድ የአፍሪካ ምርጥ የበረራ ላይ መዝናኛና የበረራ ላይ ገመድ አልባ ኢንተርኔት አገልግሎት ሽልማት አሸናፊ ሆነ፡፡

በዓመታዊው የ“ኤየርላይን ፓሴንጀር ኤክስፔሪያንስ አሶሴሽን“ (አፔክስ) በተባለ የ2024 የደንበኞች ምርጫ ሽልማት ላይ ዓየር መንገዱ ፥ የአፍሪካ ምርጥ የበረራ ላይ መዝናኛ እና የአፍሪካ ምርጥ የበረራ ላይ ገመድ ዓልባ ኢንተርኔት አገልግሎት ተሸላሚ መሆኑን አስታውቋል፡፡

አፔክስ ፥ የመንገደኞችን ድምፅ መሰረት በማድረግ ለዓየር መንገዶች ዕውቅና የሚሰጥበት መድረክ በአቪዬሽን ኢንደስትሪው ትልቅ ስፍራ ከሚሰጣቸው ሽልማቶች አንዱ መሆኑ ተመላክቷል፡፡

በተጨማሪም በተለያዩ የዓለም ክፍሎች የሚገኙ ዓየር መንገዶች ለሚያቀርቡት የላቀ የደንበኞች አገልግሎት ዕውቅና የሚሰጥበት መሆኑን ከአየር መንገዱ ያገኘነው መረጃ ያመላክታል።

Capture

ሰኔ  12፤2016 – ለ ሶስት ወራት ጠፍታ የነበረችዉ ታዳጊ #ማህሌት ተክላይ ህይወቷ አልፎ ተገኘች

የ 16 ዓመቷ ታዳጊ ማህሌት ተክላይ መጋቢት 10 ቀን 2016 ዓ.ም ከመኖርያ ቤቷ ወደ ትምህርት በወጣችበት መታገቷን ብስራት ራዲዮና ቴሌቪዥን መዘገቡ አይዘነጋም።

ታዳጊዋ ከሶስት ወራት ፍለጋ በኋላ በዛሬው እለት ህይወቷ አልፎ መገኘቷን የአድዋ ከተማ ፖሊስ አዛዥ አቶ ተስፋዬ አማረ ለብስራት ራዲዮና ቴሌቪዥን አረጋግጠዋል።

አቶ ተስፋዬ የታዳጊዋን ህልፈት ከማረጋገጣቸው ዉጪ ገዳይ ናቸዉ ተብለዉ የተጠረጠሩ ሰዎች በቁጥጥር ስር መዋላቸዉንም ለብስራት ተናግረዋል። ሆኖም ምን ያህል ሰዎች በቁጥጥር ስር ስለማዋላቸዉ ያሉት ነገር የለም።

ታዳጊዋ ማህሌት ተክላይ በእለቱ ከቀኑ 11 ሰዓት ከ 30 አካባቢ ነበር የቋንቋ ትምህርቷን ለመከታተል በወጣችበት የጠፋችዉ። ማህሌት ምሽቱን በተንቀሳቃሽ ስልኳ ወደ አባቷ በመደወል መታገቷን የሚያመላክት መረጃ ሰጥታ አጋቾቿም 3 ሚሊዮን ብር ጠይቀዉ እንደነበር ብስራት ራዲዮና ቴሌቪዥን መዘገቡ አይዘነጋም።

የታዳጊዋ ማህሌት ተክላይ አስክሬን በእዛዉ አድዋ ከተማ ጭላ በተሰኘ አካባቢ መገኘቱንም ጣቢያችን ሰምቷል። ፖሊስ ተጠርጣሪዎቹ ላይ ተጨማሪ ምርመራ እንደሚያደርግም የአድዋ ከተማ ፖሊስ አዛዥ አቶ ተስፋዬ አማረ ጨምረው ለብስራት ራዲዮና ቴሌቪዥን ተናግረዋል።

በበረከት ሞገስ

photo_2024-06-19_09-02-04

ሰኔ  12፤2016 – ለሩሲያው ፕሬዝዳንት ፑቲን አቀባበል የፒዮንግያንግ ከተማ አደባባይ በፊኛዎች እና ባንዲራዎች ማጌጡ ተሰማ

ከተማዋ ፑቲንን ለመቀበል ባደረገችው ዝግጅት የፒዮንግያንግ ማዕከላዊ አደባባይ በሰዎች ተጨናንቋል። በሰሜን ኮሪያ መስራች በኪም ኢል ሱንግ ስም በተሰየመው አደባባይ ላይ ፑቲን ሲደርሱ ከፍተኛ አቀባባል ዛሬ ማለዳ ተደርጎላቸዋል። መደበኛ ልብስ የለበሱ ልጆች ትናንሽ ፊኛዎችን ይዘው ታይተዋል። አደባባዩ ዙሪያ ያሉ ህንጻዎች በሩሲያ እና በሰሜን ኮሪያ ባንዲራ ያጌጡ ሲሆን የሁለቱን ሀገራት መሪዎች ምስል ተሰቅሎባቸዋል።

የሩሲያው ፕሬዝዳንት ቭላድሚር ፑቲን እና የሰሜን ኮሪያው መሪ ኪም ጆንግ ኡን የኒውክሌር ጦር መሳሪያ በታጠቁ ሀገራት መካከል ያለውን ግንኙነት የበለጠ ለማጠናከር እንደሚፈልጉ ፍንጭ ሰጥተዋል። ፑቲን ፒዮንግያንግ አለም አቀፍ አውሮፕላን ማረፊያ ሲደርሱ በቀይ ምንጣፍ አቀባበል ተደርጎላቸዋል። ፑቲን ዛሬ እሮብ ማለዳ ጎህ ሳይቀድ በሰሜን ኮሪያ ዋና ከተማ ደርሰዋል። ሁለቱ መሪዎች ሲጨባበጡ እና አንዲት ሴት ለፑቲን ቀይ አበባ ስትሰጥ የሚያሳይ መረጃን የሰሜን ኮርያ መገናኛ ብዙሃን አጋርተዋል። ከዛም መሪዎቹ ወደ ኩምሱሳን ግዛት እንግዳ ማረፊያ ቤት ሲያቀኑ ታይተዋል።

የመንግስት የዜና ወኪል ኬሲኤንኤ የሁለቱ መሪዎች ስብሰባ በሰሜን ኮሪያ እና በሩሲያ መካከል ያለውን ወዳጅነት እና አንድነት “የማይበገር እና ዘላቂነት” ያሳየ ታሪካዊ ክስተት ነው ብሏል። የሁለቱ ሀገራት ግንኙነት “ዓለም አቀፍ ፍትህን ፣ ሰላምን እና ደህንነትን ለመጠበቅ እንዲሁም ለአዲሱ የብዝሃ-ዋልታ ዓለም ግንባታን ለማፋጠን እንደ ጠንካራ ስትራቴጂካዊ ምሽግ ሆኗል” ብለዋል ። ፑቲን ከ 24 ዓመታት በኋላ ወደ ሰሜን ኮሪያ የመጀመሪያ ጉብኝታቸውን አድርገዋል።

በየካቲት 2022 ሙሉ በሙሉ በዩክሬን ላይ ሩሲያ ወረራ ከጀመረች በኋላ የሁለቱ ሀገራት ግንኙነት ይበልጥ እየተጠናከረ መጥቷል። ሞስኮ እና ፒዮንግያንግ የጦር መሳሪያ ዝውውር በመካከላችን የለም ብለው ቢክዱም ወታደራዊ ግንኙነታቸውን ለማሳደግ ግን ቃል ገብተዋል። ፑቲን እና ኪም ለመጨረሻ ጊዜ የተገናኙት በምስራቅ ሩሲያ በመስከረም 2023 ነበር። ሰሜን ኮሪያ በኒውክሌር ጦር መሳሪያዎቿ እና በሚሳኤል ፕሮግራሞቿ ምክንያት በተባበሩት መንግስታት ድርጅት የፀጥታው ምክር ቤት ጥብቅ ማዕቀብ ለዓመታት ተጥሎባታል። ሩሲያም በዩክሬን ወረራ ምክንያት በዩናይትድ ስቴትስ እና በምዕራባውያን በኩል የተጣለባትን ማዕቀብ እየታገለች ትገኛለች።

ከሩሲያ እና ከሰሜን ኮሪያ ጋር የጠበቀ ግንኙነት ያላት ቻይና የፑቲን እና የኪም ግንኙነት እንዳስደሰታት ገልፃለች። ፑቲን ከአንድ ወር በፊት ቻይናን መጎብኘታቸው ይታወሳል። የቻይና የውጭ ጉዳይ ሚኒስቴር ቃል አቀባይ ሊን ጂያን የፑቲንን የፒዮንግያንግ ጉብኝት አስመልክቶ ለቀረበላቸው ጥያቄ ቤጂንግ “ሩሲያን ከባህላዊ ወዳጆቿ ጋር ያላት ግንኙነት ማሳደጓን በደስታ ትቀበለዋለች ሲሉ ተናግረዋል።

በስምኦን ደረጄ

photo_2024-06-18_13-28-35

ሰኔ  11፤2016 – በ-#ቱርክ የዩኒቨርሲቲ መግቢያ ፈተናን ለማጭበርበር አርቴፊሻል ኢንተለጀንስ የተጠቀመዉ ተማሪ በቁጥጥር ስር ዋለ

አንድ የቱርክ ዩኒቨርሲቲ እጩ ተማሪ ለመግቢያ ፈተና በፍጥነት መልስ ለማግኘት አርቴፊሻል ኢንተለጀንስ  ሲጠቀም ከተያዘ በኋላ በቅርቡ በቁጥጥር ስር ውሏል።

በሰኔ 1 በሺዎች የሚቆጠሩ የሁለተኛ ደረጃ ምሩቃን በኢስፓርታ የከፍተኛ ትምህርት ተቋማት ለፈተና ተቀምጠዋል፡፡ የመጀመሪያ ክፍለ ጊዜ የሆነውን መሰረታዊ የብቃት ፈተና ተሰጥቷል፡፡ነገር ግን አንድ ክስተት የአለም አቀፍ የዜና አርዕስተ ዜና ሆኗል። አንድ እጩ ተፈታኝ ተማሪ የኢንተርኔት ግንኙነትን በመጠቀም በድብቅ ካሜራ እና በአርቴፊሻል ኢንተለጀንስ ሃይል የሚሰራ ሶፍትዌር በመጠቀም በፈተና ላይ ያሉ ጥያቄዎችን በማንበብ እና በተጨባጭ ምላሽ የሚሰጥ ሶፍትዌር በመጠቀም ሲያጭበረብር መያዙን የቱርክ መገናኛ ብዙሃን ዘግበዋል።

ተማሪዉ በፈተናው ወቅት ያሳየው ባህሪ የተቆጣጣሪዎችን ትኩረት ስቧል፡፡ እናም ባደረጉበት ክትትል የፈተና የማታለል ዘዴው ተደርሰዎበታል።የቱርክ የዜና ወኪል ኤኤ እንደዘገበዉ በዩኒቨርሲቲ መግቢያ ፈተና ውስጥ አርቴፊሻል ኢንተለጀንስ ጥቅም ላይ ስለመዋሉ ዘግቧል። ምንም እንኳን በአርቴፊሻል ኢንተለጀንስ ጥቅም ላይ የዋለው የስርዓቱ ሙሉ ዝርዝሮች እስካሁን ይፋ አለመደረጉን ፖሊስ አስታዉቋል፡፡ተማሪዉ በፈተና አዳራሹ መግቢያ ላይ ያለውን የመቆጣጠሪያ ነጥብ ለማለፍ በስኒከር ጫማው ውስጥ አነስተኛ ራውተር ደብቋል፡፡

አነስተኛ ስማርት ፎን እንደ ክሬዲት ካርድ በመያዝ፣ ባለከፍተኛ ጥራት ያለዉ ካሜራ በሸሚዝ ቁልፍ ተመስሎ ካሰራ በኃላ በጆሮ ማዳመጫ ወደ ጆሮው መልስ ማግኘት ችሏል፡፡ተቆጣጣሪዎች የአርቴፊሻል ኢንተለጀንስ የኩረጃዉን ሁኔታ እንዴት እንደያዙት ግልጽ አይደለም፡፡ነገር ግን የቱርክ መገናኛ ብዙሃን እንደዘገቡት የፈተናዉ ፈታኞች ‘በጥርጣሬ’ ሳይዙት እንዳልቀረ ጽፈዋል፡፡ ለዚህምበ በጆሮው ውስጥ የጆሮ ማዳመጫ ሲያገኙ ተቆጣጣሪዎች ከፈተና አዳራሽ በማስወጣት ለፖሊስ አስረክበዉታል።

ጥልቅ ፍተሻ ሲደረግበት የጆሮ ማዳመጫው እና አነስተኛ ካሜራው ከስማርት ፎን ጋር የተገናኙ ሲሆን ይህም በሰዉ ሰራሽ አስተዉሎት ወይም አርቴፊሻል ኢንተለጀንስ ሃይል የሚሰራ ሲስተም ጋር የተገናኘ መሆኑን ደርሰዉበታል፡፡ሲስተሙ በፈተናው ላይ ያሉትን ጥያቄዎች አንብቦ ትክክለኛውን መልስ በጆሮ ማዳመጫው በኩል መስጠት ይችላል።በፖሊስ በጉዳዩ ላይ ዝርዝር መረጃ ባይሰጠም አንዳንድ የዜና ማሰራጫዎች በቻች ጂፒቲ የጎላበተ መድረክ መሆኑን ጠቁመዋል።

በቱርክ የዩንቨርስቲ ፈተናዎች ላይ መኮረጅ እንደ ከባድ ወንጀል የሚቆጠር በመሆኑ ተማሪዉ የእስር ቅጣት ይጠብቀዋል።ሌላ የዩኒቨርስቲ መግቢያ ፈተና ለመፈተን ደግሞ ቢያንስ ለሁለት አመት እግድ ይጣልበታል። ተማሪዎች አስፈላጊ በሆኑ ፈተናዎች ላይ ለማጭበርበር ቴክኖሎጂን ሲጠቀ ይህ የመጀመሪያ ጊዜ አይደለም፡፡ ነገር ግን ሰዉ ሰራሽ አስተዉሎት ወይም አርቴፊሻል ኢንተለጀንስ ለኩረጃ ጥቅም ላይ ሲዉል ይህ የመጀመሪያው ጉዳይ ነው፡፡

በስምኦን ደረጄ

Capture

ሰኔ  11፤2016 – ከሰው መቃብር ሐውልት ላይ ብረቶችን እየቆረጠ ሲሰርቅ የነበረ ግለሰብ በቁጥጥር ስር ዋለ

 

በሐረር ከተማ ከሚገኙ የመቃብር ስፍራ ላይ ለሐውልት ተብለው የሟችን ማንነት የሚገልፅ ፅሁፍ ከያዙት ብረቶች ላይ በተለያዩ ጊዜያት እየቆረጠ በኪሎ ሲሸጥ የነበረው ግለሰብ በቁጥጥር ስር መዋሉ ተገልጿል።

ግለሠቡ ከተለያዩ መቃብሮች ላይ የቆረጠውን ብረቶች ለመሸጥ ሲል በአካባቢው ህብረተሰብ ለአቦከር ወረዳ ፖሊስ መረጃ በመስጠቱ ወዲያውኑ ከነ እግዚቢቱ መያዙን የአቦከር ወረዳ ፖሊስ ሃላፊ ኮማንደር ዘይዳን ቶፊቅ አስታውቀዋል ሲል የዘገበው የሐረር ፖሊስ ኮሚሽን ነው።

 

photo_2024-06-18_09-45-07

ሰኔ  11፤2016 – ፑቲን ከ24 ዓመታት በኋላ ለመጀመሪያ ጊዜ በዛሬው እለት ሰሜን ኮሪያን ይጎበኛሉ

የሩሲያው ፕሬዝዳንት ቭላድሚር ፑቲን ከ24 ዓመታት በኋላ ወደ ፒዮንግያንግ የመጀመሪያ ጉብኝታቸውን ከማድረጋቸው በፊት ሰሜን ኮሪያ በዩክሬን ጦርነት ሞስኮብ በጽኑ ስለደገፈች አወድሰዋል። ፑቲን በዛሬው እለት ከሰሜን ኮሪያው መሪ ኪም ጆንግ ኡን ጋር ለመገናኘት በዋና ከተማው ፒዮንግያንግ ይገባሉ ተብሎ ይጠበቃል። ሁለቱ መሪዎች ለመጨረሻ ጊዜ የተገናኙት በመስከረም ወር ላይ በሩሲያ ሩቅ ምስራቅ በሚገኘው ቮስቴክኒ ኮስሞድሮም ነው።

ነገር ግን ፑቲን ከ 2000 ጀምሮ ፒዮንግያንግ ሲጎበኙ ይህ የመጀመሪያቸው ነው። በሰሜን ኮሪያ የመንግስት መገናኛ ብዙሃን ላይ በወጣ መረጃ መሰረት ሞስኮ ከፒዮንግያንግ ጋር የንግድ እና የደህንነት ስርዓቶችን ከምዕራቡ ዓለም ቁጥጥር ውጪ አድርገው እንደሚገነቡ ቃል ገብተዋል ። ፕሬዝዳንት ፑቲን በሰሜን ኮሪያ የገዥው ፓርቲ ቃል አቀባይ በሆነው በሮዶንግ ሲሙን ላይ በታተመው መልዕክታቸው “የአሜሪካ ጫና፣ ጥቃት እና ወታደራዊ ዛቻ” በመከላከል ፒዮንግያንግ ጥቅሟን ለማስጠበቅ የምታደርገውን ጥረት እንደሚደግፉ ቃል ገብተዋል።

ሁለቱ ሀገራት በፍትህ መከባበር ላይ የተመሰረተ ሁለገብ የአለም ስርአት መመስረትን ለማደናቀፍ የምዕራባውያን ምኞት በማለት የገለፁትን “በቆራጥነት መቃወማቸውን” እንደሚቀጥሉም ተናግረዋል። ዩናይትድ ስቴትስ “በእነዚህ ሁለት ሀገራት መካከል ያለው ጥልቅ ግንኙነት” እንዳሳሰባት ተናግራለች። ክርምሊን የመሪዎቹን ቆይታ “የወዳጅነት ጉብኝት” ሲል ገልጿል። ፑቲን እና ኪም የደህንነት ጉዳዮችን ጨምሮ የሽርክና ስምምነት ሊፈራረሙ እንደሚችሉ እና ለመገናኛ ብዙሃን የጋራ መግለጫዎችን እንደሚሰጡ ይጠበቃል።

በተጨማሪም በኪም ኢል ሱንግ አደባባይ ህዝባዊ ሰልፍ ይኖራል። ፑቲን በሰሜን ኮሪያ ብቸኛዋ ኦርቶዶክስ ቤተክርስቲያን በሆነችው በፒዮንግያንግ የምትገኘውን የኦርቶዶክስ ህይወት ሰጭ ስላሴ ቤተክርስቲያንን ኮንሰርት ይመለከታሉ ተብሎ ይጠበቃል። የቻይናው መሪ ዢ ጂንፒንግ እ.ኤ.አ. በ2019 በሰሜን ኮሪያ ባደረጉት ጉብኝታቸው ለመጨረሻ ጊዜ በቆዩበት ፒዮንግያንግ በሚገኘው የኩምሱሳን የእንግዳ ማረፊያ ቤት ፑቲን እንደሚቆዩ ዘገባዎች አመላክተዋል።

በስምኦን ደረጄ

Capttttttttttttttttttture

ሰኔ  10፤2016 – በ2017 የትምህርት ዘመን የትምህርት አገልግሎት መስጠት የተከለከሉ የ41 ትምህርት ተቋማት ዝርዝር ይፋ ሆነ

የአዲስ አበባ ከተማ አስተዳደር የትምህርትና ስልጠና ጥራት ቁጥጥር ባለስልጣን በ2017 የትምህርት ዘመን የትምህርት አገልግሎት መስጠት የተከለከሉ የትምህርት ተቋማትን ዝርዝር በዛሬው እለት በሰጠው ጋዜጣዊ መግለጫ ላይ ይፋ አድርጋል።

የትምህርትና ስልጠና ጥራት ቁጥጥር ባለስልጣን ዋና ስራ አስኪያጅ አቶ ዳኛው ገብሩ በሰጡት ጋዜጣዊ መግለጫ በ2017 የትምህርት ዘመን ተማሪዎችን መዝግበው የሚያስተምሩ ትምህርት ቤቶች 1332 መሆናቸዉንና የማስተማር ፈቃድ የተሰጣቸው እንደሆነ እንዲሁም 43 ት/ቤቶች በራሳቸው ጊዜ መቀጠል ስላልቻሉ ፈቃዳቸው መሰረዙን አሳውቀዋል፡፡

ሀላፊው አክለውም የ150 ት/ቤቶች ጉዳይ በሂደት ላይ እንደሆነና ወደፊት የሚገለጽ መሆኑን ፤ 41 ትምህርት ቤቶች በዋናነት በትምህርት ፖሊሲ ጥሰት ፣ በትምህርት ስታንዳርዱ መሰረት ከ 75% በታች ያመጡ እንዲሁም የትምህርት ጊዜ ሰሌዳን በአግባቡ አለመጠቀም የታየባቸው ሲሆኑ በልጆች አስተዳደግ ላይ ተፅእኖ የሚፈጥርና ብቁ ትውልድ በማፍራት ሒደታችን እንቅፋት የሚፈጥር በመሆኑ ትምህርት ቤቶቹ እንዲዘጉ ባለስልጣኑ ውሳኔ ላይ መድረሱን አብራርተዋል::

መስፈርቱን ባለማሟላታቸው በተዘጉ ትምህርት ቤቶች ሲማሩ የነበሩ ተማሪዎች በአቅራቢያቸው በሚገኙ የግልና የመንግስት ትምህርት ቤቶች ያለምንም ዋጋና መሰል ልዩነቶች ምርጫቸው ተጠብቆ ትምህርታቸውን እንዲከታተሉ እንደሚደረግም አሳውቀዋል

photo_2024-06-17_13-34-03 (2)

ሰኔ  10፤2016 – በትግራይ ክልል ወረርሽኝ በሆነ መልኩ በተከሰተ ከእንስሳት ወደ ሰዎች የሚተላለፍ በሽታ የአራት ሰዎች ህይወት አለፈ

በደቡብ ምስራቅ ትግራይ በተለይም ህንጣሎ ዋጀራት በተሰኘዉ ወረዳ ከእንስሳት ወደ ሰዉ በሚተላለፍ በሽታ የአራት ሰዎች ህይወት ማለፉን ብስራት ራዲዮና ቴሌቪዥን ሰምቷል።

በትግራይ ክልል ጤና ቢሮ የጤና ኤክስቴንሽን እና የጤና ማስተዋወቅ ፕሮግራም አስተባባሪ የሆኑት አቶ ሚካኤል ሃጎስ ለብስራት ራዲዮና ቴሌቪዥን እንደተናገሩት በሽታዉ ጦርነቱ ካስከተለዉ ቀዉስ መካከል አንዱ ነዉ ብለዋል። በበሽታዉ ከተያዘ እንሰሳ ጋር በሚኖር ንክኪ እና ስጋዉን በመብላት በሚተላለፈዉ በሽታው በወረዳዉ በወረርሽኝ መልክ መከሰቱን ተናግረዋል።

በዚህ በሽታ ቁጥራቸዉ በዉል ያልታወቀ ሰዎች መጠቃታቸዉን የተናገሩት አቶ ሚካኤል ፤ እስከሞት ሊያደርስ እንደሚችልም ገልጸዋል። በዚህ በሽታ የተነሳ የአራት ሰዎች ህይወት ሲቀጠፍ በርካቶች በአዲ ጉደም ሆስፒታል እንዲሁም ከፍ ባለ አስጊ ሁኔታ ዉስጥ ያሉት ደግሞ በዓይደር ሪፈራል ስፔሻላይዝድ ሆስፒታል የህክምና ክትትል ላይ ናቸዉ ብለዉናል።

በሽታዉ በሁሉም የትግራይ ዞኖች ይታይ ነበር ያሉት አቶ ሚካኤል አሁን ግን በወረርሽኝ መልክ በደቡብ ምስራቅ ትግራይ አንድ ወረዳ ላይ መከሰቱን አስረድተዋል።

አንትራክስ የተሰሰነዉ በሽታ በባክቴሪያ የሚመጣ ሲሆን የተጠቃዉ ሰዉ ፤ ከእንስሳት ጋር በሚኖረዉ ንክኪ የቆዳ ላይ ህመም ፣ በበሽታዉ የተጠቃ እና ያልተመረመረ ከብትን የተመገቡ ሰዎች ደግሞ ከአንጀት ጋር የተታያዘ ከፍተኛ ህመምን እንዲሁም የእንሰሳዉ ቆዳ በፋብሪካዎች ከተቀነባበረ ደግሞ በሳንባ ላይ ከፍተኛ ህመምን የሚያስከትል እና በ 24 ሰዓታት ዉስጥ ሊገድል የሚችል ነዉ ብለዉናል።

በአሁኑ ወቅትም በትግራይ ከእንስሳቱ ጋር በሚኖር ንክኪ በቆዳ ላይ የሚከሰተዉ የበሽታ አይነት በስፋት መታየቱን ጠቅሰዉ ያልተመረመረ ስጋን የተመገቡ ሰዎችም በበሽታዉ መጠቃታቸዉን አክለዋል። በሽታዉ ከሰዉ ወደሰዉ አይተላለፍም የተባለ ሲሆን ከእንስሳት ጋር የሚኖር ንክኪን ግን መገደብ አስፈላጊ መሆኑንም ጠቅሰዋል።

ከ 20 አመታት በፊትም በሽታዉ ተከስቶ ነበር የተባለ ሲሆን በወቅቱ በቁጥጥር ስር የነበረ ቢሆንም ከጦርነቱ በኋላ በተፈጠረዉ የጤና አገልግሎት ስርዓት መጓደል የተከሰተ መሆኑን አመላክተዋል።

በበሽታዉ የተያዙ ሰዎች በቆዳ ላይ የማሳከክ እና አብጦ የመፈንዳት እንዲሁም የእንስሳት ስጋን ተመግበዉ የታመሙትን ሰዎች ደግሞ እንደማንኛዉም የሆድ ህመም የቁርጠት እና የህመም ምልክት ያለዉ ሲሆን በአንጀት ላይ ግን ቁስለትን የሚያስከትል መሆኑንም ተናግረዋል።

በሽታው በቶሎ የህክምና ክትትል ከተደረገለት የሚድን እንደሆነም በትግራይ ክልል ጤና ቢሮ የጤና ኤክስቴንሽን እና የጤና ማስተዋወቅ ኤክስቴንሽን ፕሮግራም አስተባባሪ የሆኑት አቶ ሚካኤል ሃጎስ ጨምረዉ ለብስራት ራዲዮና ቴሌቪዥን ተናግረዋል።

በበረከት ሞገስ

photo_2024-06-17_12-28-46

ሰኔ  10፤2016 – በሸካ ዞን የአራት አመት ህፃን በንብ መንጋ ተነድፎ ህይወቱ አለፈ

በደቡብ ምዕራብ ኢትዮጵያ ክልል በሸካ ዞን የማሻ ወረዳ ሰኔ 8 ቀን 2016 ዓ.ም ከቀኑ 11ሰዓት በወረዳዉ ኡዋ ቀበሌ ልዩ ስፍራ ይጎ ቁጥር አንድ ተብሎ በሚጠራው አከባቢ የአራት አመት ህፃን በንብ መንጋ ተነድፎ ህይወቱ ማለፋ ተገልጿል።

የክልሉ የህዝብ ግንኙነት እና ኮሙኒኬሽን ዳይሬክተር ምክትል ኢንስፔክተር ደጀኔ አሰፋ ለብስራት ሬዲዮና ቴሌቪዥን እንደገጹት በእለቱ ንፋስ ቀላቅሎ በጣለዉ  ከባድ ዝናብ ምክንያት በመኖሪያ ቤት አከባቢ ዘመናዊ የንብ እርባታ ቀፎ በንፋስ በመዉደቁ ምክንያት ንቦቹ ከቀፎዉ ወጥተዉ በመጫወት ላይ የነበሩ ሶስት ህፃናትን ለመዉረር ሞክረዋል።  ሁለቱ ህፃናት ሮጠዉ ሲያመልጡ የአራት አመቱ ህፃን ማምለጥ ባለመቻሉ በንቦች መንጋ ተነድፎ ህይወቱ እንደላፈ አስረድተዋል።

መሰል የንብ መንጋ አደጋ በሌሎች አከባቢዎች እንዳይከሰት ንብ የማነብ ስራ የሚያከናዉኑ ግለሰቦች ዘመናዊ ቀፎዎችን በንፋስ እንዳይወድቁ እና  ከለላ አጥር ማበጀት እንደሚኖርባቸዉ  ምክትል ኢንስፔክተር ደጀኔ አሰፋ ለብስራት ሬዲዮና ቴሌቪዥን ተናግረዋል።

በሳምራዊት ስዩም