photo_2024-04-08_16-40-19

መጋቢት 30፤2016 – ከ35 ሺህ በላይ ዜጎች የምገባ አገልግሎት እያገኙ መሆኑ ተነገረ

 

በአዲስ አበባ ከተማ ውስጥ ባሉ 20 የምገባ ማዕከላት ከ35 ሺህ በላይ ዜጎች የምገባ አገልግሎት እያገኙ መሆኑን የአዲስ አበባ ከተማ አስተዳደር ምገባ ኤጀንሲ አስታውቋል፡፡

በአዲስ አበባ ከተማ በዝቅተኛ ኑሩ ደረጃ የሚኖሩ እና በቀን አንድ ግዜ መመገብ ለማይችሉ የማህበረሰብ ክፍሎች የምገባ አገልግሎት እየተሰጠ መሆኑን የኤጀንሲ ምክትል ዳይሬክተር ስንታየው ማሞ ለብስራት ሬዲዮ እና ቴሌቪዥን የተናገሩ ሲሆን ከተማ አስተዳደሩ በቀን ከ35ሺ በላይ ለሚሆኑ ዜጎች በ20 የመመገቢያ መአከላት የምገባ አገልግሎት እየተሰጠ ይገኛልም ብለዋል፡፡

እንደከተማ ከ90 ሺ በላይ ሰዎች በቀን አንዴ መብላት አይችሉም ተብሎ እንደሚገመት እና በሂደት እነዚህን ዜጎች በምገባ አገልግሎቱ ተጠቃሚ የማድረግ ስራም እየተሰራ እንደሆነ ኤጀንሲው አስታውቃል፡፡

የምገባ ማዕከላቱ በበጎ አሳቢ ግለሰቦች እና ተቋማት ትብብር እውን መሆናቸውን ያነሱት ምክትል ዳይሬክተር ስንታየው አሁንም እነዚህ በጎ አሳቢ ሰዎች ድጋፋቸውን አጠናክረው በመቀጠል በከተማዋ የሚስተዋሉትን ማህበራዊ ችግሮች በአብሮነት በመተባበር ማቃለል እንደሚቻል አንስተዋል፡፡

ኤጀንሲው በ2016 ዓ.ም በምገባ አገልግሎት በአዲስ አበባ በ477 ትምህርት ቤቶች እንዲሁም በአዲስ አበባ ዙሪያ በሚገኙ 629 በድምሩ 1ሺ አንድ መቶ ስድስት በሚሆኑ ትምህርት ቤቶች ለሚገኘ  ከሰባት መቶ ሺ በላይ ተማሪዎች የምገባ አገልግሎት ተጠቃሚ ማድረጉን ብስራት መዘገቡ ይታወሳል፡፡

በትግስት ላቀዉ

Tags: No tags

2 Responses

Add a Comment

Your email address will not be published. Required fields are marked *