photo_2024-01-23_08-38-13

ጥር 15፤2016 – የአንጋፋዉ ጋዜጠኛ ገነነ መኩሪያ(ሊብሮ) ስርዓት ቀብር ተፈጸመ

 

በኢትዮጵያ እግር ኳስ ላይ በተጫዋችነት፣ ጋዜጠኝነት እና በመፅሐፍ ደራሲነት ለረጅም ዓመታት ያገለገለው ጋዜጠኛ ገነነ መኩርያ (ሊብሮ) ከዚህ ዓለም በሞት ተለየ። ጋዜጠኛ ገነነ መኩርያ (ሊብሮ) ባደረበት ህመም ምክንያት በህክምና ሲረዳ ቆይቶ ጥር 14 ቀን 2016 ዓ.ም ንጋት ላይ ህይወቱ ማለፉ ተሰምቷል።

ገነነ መኩርያ (ሊብሮ) በእግር ኳስ ተጫዋችነት ኢትዮ ኤሌክትሪክን ጨምሮ ለሌሎች ክለቦችም ተጫውቷል። ከተጫዋችነት ከተገለለ በኋላ ከ30 ዓመታት በላይ በስፖርት ጋዜጠኝነት አሳልፏል፡፡በበርካቶች ዘንድ”ተንቀሳቃሹ ቤተ መፅሐፍት”የሚል ቅፅል ስም የተሰጠው ገነነ መኩርያ ኢህአፓና ስፖርት”1፣ 2፣ 3፣ ሊብሮ፣ እና ፍትሃዊ የጠጅ ክፍፍል የሚሉትን ጨምሮ ስምንት ያህል መፅሐፍትንም ለንባብ አብቅቷል።

ገነነ መኩርያ ሊብሮ” የተሰኘ ጋዜጣንም ለረጅም ዓመታት ለአንባቢው አድርሷል። በተጨማሪም በኤሌክትሮኒክስ ሚዲያው በተወዳጁ  ብስራት ኤፍ ኤም 101.1 “መሴ ሪዞርት” እና ሌሎች ዝግጅቶች ላይ ታሪክና ስፖርትን አዋህዶ ሲያቀርብ ቆይቷል። ገነነ መኩርያ (ሊብሮ) ለእግር ኳሱ ላበረከተው የላቀ አስተዋፅኦም በአዲስ አበባ በተሰናዳው የካፍ ኮንግረስ ላይ የረጅም ዘመን አግልግሎት ሜዳይ ተበርክቶለታል።

ካፍ በ2009 ዓ.ም የ60 ዓመት ጎንደል ኦፍ ሜሪት የሸለመው ሲሆን፤ ስድስት ጋዜጠኞች ብቻ ያገኙትን ሽልማት በመውሰድ ገነነ ከምስራቅ አፍሪካ ብቸኛው እንደሆነም ይነገራል። ጋዜጠኛው መጋቢት 5 ቀን 1957 ዓ.ም በይርጋለም ከተማ እንደተወለደ ሲሆን፤ እድገቱ ደግሞ በሻሸመኔ ከተማ እንደሆነ የህይወት ታሪኩ ያስረዳል፡፡ ስርዓተ ቀብሩ በዛሬዉ እለት ጥር 15 ቀን በመንበረ ጸባኦት ቅድስት ስላሴ ቤተክርስቲያን ቤተሰብ ፣ወዳጅ ዘመድና የሙያ ዘጋሮቹና አድናቂዎቹ በተገኙበት ተፈጽሟል፡፡

ብስራት ሬዲዮና ቴሌቪዥን በአንጋፋዉ ጋዜጠኛ ገነነ መኩሪያ(ሊብሮ) የተሰማዉን ጥልቅ ሀዘን እየገለጸ መጽናናትን ይመኛል፡፡

ጥር 15፤2016 – ዶናልድ ትራምፕ ድላቸውን ተከትሎ ባይደን ሁለት ዓረፍተ ነገር እንኳን ማያያዝ አይችሉም ሲሉ ተናገሩ

 

👉 ተሸናፊዋ ሃሌይ ዲሞክራቶች ከእኔ ይልቅ ትራምፕን ይፋልጋሉ ምክንያቱም ከእድሜያቸው ጋር ተያይዞ የአእምሮ ብቃታቸው ቀንሷል ብላለች

የቀድሞው ፕሬዝዳንት ዶናልድ ትራምፕ ያገኙት ግዙፍ ድል በህዳር ወር የፓርቲው ፕሬዚዳንታዊ እጩ ለመሆን የሚያስችላቸው እንደሆነ ተነግሯል። የውድድሩ የመጨረሻ ተቀናቃኛቸው የሆነችው ኒኪ ሃሌይ በቀሩ ሂደቶች ለመታገል ትራምፕ ቃል ገብተዋል።ይህ ውድድር ገና አልተጠናቀቀም ፤ እሷም ጠንካራ ተፎካካሪ ነች ብለዋል።

አስቀድሞ በነበረው የምረጡኝ ዘመቻ ላይ ንግግር ያደረጉት ትራምፕ ለጋዜጠኞች ኒኪ ሃሌይ በምርጫው ፉክክሩ ላይ ብትቆይ ግድ የለኝም “የፈለገችውን እንድታደርግ መፍቀድ” ይኖርብናል በማለት ተናግረዋል። ዶናልድ ትራምፕ ከድላቸው በኃላ ባደረጉት ንግግር የዴሞክራቲክ ተቀናቃኛቸውን ጆ ባይደንን በመተቸት በስልጣን ዘመናቸው በጣም መጥፎ ከሚባሉት 10 ፕሬዚዳንቶች ጋር ሲጣመሩ በጣም ደካማው ባይደን ናቸው ሲሉ ተችተዋል።

የ77 ዓመቱ ትራምፕ የ81 ዓመቱን አዛውንት ተፎካካሪያቸውን ባይደንን ሁለት ዓረፍተ ነገሮችን አንድ ላይ ማያያዝ እንኳን አይችሉ ሲሉ ተሳልቀዋል።ትራምፕ አክለው እኛ ካላሸነፍን ይህች ሀገር ያበቃላታል ሲሉ ተደምጠዋል። የቀድሞው ፕሬዝደንት ከኒኪ ሃሌይ ጋር የሪፐብሊካን ፕሬዝደንት ለመሆን በተለይም በኒኪ ሃሌይ የትውልድ ስፍራ ደቡብ ካሮላይና ውስጥ ብርቱ ፉክክር ይጠብቃቸዋል።

ኒክ ሀይሌ በመጀመሪያው ዙር ምርጫ በትራምፕ መሸነፏን ተከትሎ ባስተላለፈችው መልዕክት ተቀናቃኛቸውን እንኳን ደስ አላችሁ ብላለች። ነገር ግን ሪፐብሊካኖች ከቀድሞው ፕሬዝዳንት ለመለየት ጊዜው አሁን ነው በማለት ተናግራለች። በፖለቲካ ውስጥ በጣም የተደበቀው ሚስጥር ልንገራችሁ ዲሞክራቶች ከእኔ ይልቅ ከዶናልድ ትራምፕ ጋር መወዳደር ይፈልጋሉ ስትል ለተሰበሰበው ህዝብ ተናግራለች።

በሀገሪቱ ውስጥ ጆ ባይደን የሚያሸንፈው ብቸኛው ሪፐብሊካን ትራምፕን መሆኑን ያውቃሉ ያለችው ሃሌይ ከትራምፕ የበለጠ ተመራጭ እኔ ነኝ በማለት ተናግራለች። ትራምፕ በሁከትና ብጥብጥ የሚታወቁ ናቸው ያከለችው ሃሌይ የአእምሮ ብቃታቸው ከእድሜያቸው መጨመር ጋር ተያይዞ እየቀነሰ መምጣቱን አንስታለች። የ52 ዓመቷ ሃሌይ “አብዛኛዎቹ አሜሪካውያን በባይደን እና በትራምፕ መካከል የድጋሚ ውድድር አይፈልጉም” በማለት ገልፃለች።

በበረከት ሞገስ

ጥር 15፤2016 – የአምስት ዓመቷ ህፃን ላይ የአስገድዶ መድፈር ወንጀል የፈፀመው ግለሰብ በእስራት ተቀጣ

 

በምዕራብ ሸዋ ዞን ኤጀሬ ወረዳ ቱሉ ኤጀሬ ቀበሌ ውስጥ ተከሳሽ ታደሰ ሚልኬሳ የተባለ ግለሰብ ጥቅምት 21 ቀን 2016 ዓ.ም ወንጀሉን ፈፅሟል።

በእለቱ ከምሽቱ አንድ ሰዓት ላይ የ5 ዓመቷን ህፃን ልጅ በተከራየበት ቤት ውስጥ የአስገድዶ መድፈር ጥቃት እንደፈፀመባት በማስረጃ መረጋገጡን የምዕራብ ሸዋ ዞን ፖሊስ ኮሙኒኬሽን  ፅ/ቤት  አስታውቋል፡፡

የ5 ዓመቷን ልጅ ላይ የአስገድዶ መድፈር ጥቃት ካደረሰባት በኃላ በከፍተኛ ህመም ስትሰቃይ ቆይታለች። ወላጆቿ የደረሰባትን ሲጠይቋት የተፈፀመባትን ድርጊት በመናገሯ ድርጊቱ ፖሊስ ጆሮ በመድረሱ ተከሳሹ በቁጥጥር ስር እንዲውል መደረጉን ብስራት ሬድዮና ቴሌቭዥን ከኮሙኒኬሽኑ ቢሮ ያገኘው መረጃ ያመላክታል ፡፡

የአስገድዶ መደፈር ጥቃት የደረሰባትም የ5 ዓመቷ ልጅ የህክምና ምርመራ ከተደረገላት በኃላ በተጠርጣሪው ላይ ፖሊስ የወንጀል መዝገብ በማጣራት በሰው እና ህክምን ማስረጃ በማጠናከር የምርመራ መዝገቡን ለአቃቢ ህግ ልኳል፡፡

አቃቢ ህግም ከፖሊስ የተላከለትን መዝገብ ተመልክቶ ክስ መስርቷል። የቀረበለትን ክስ ሲመለከት የነበረው የምዕራብ ሸዋ ዞን ከፍተኛ ፍርድ ቤት ተከሳሽ ታደሰ ሚልኬሳ በ14 ዓመት ፅኑ እስራት እንዲቀጣ እንደተወሰነበት የምዕራብ ሸዋ ዞን ፖሊስ ኮምኒኬሽን ፅ/ቤት አስታውቋል።

photo_2024-01-23_15-18-32

አሜሪካዊው ሙዚቀኛ በእኩል ሰዓት ከአምስት ሴቶች የልጆች አባት ለመሆኑ መቃረቡ ተከትሎ ቤቢ ሻወር የተሰኘው ዝግጅት በጋራ አዘጋጀ

 

በአሜሩካ አንድ የኒውዮርክ ከተማ ነዋሪ የሆነ ሙዚቀኛ አምስት የተለያዩ ሴቶችን በተመሳሳይ ጊዜ የልጆች አባት ሊያደርጉት መሆኑን በማስመልከት ከሁሉም ጋር በጋራ ቤቢ ሻወር የተሰኘውን ዝግጅት በማዘጋጀቱ ውዝግብ አስነስቷል።

የ22 አመቱ የኒውዮርክ ከተማ ሙዚቀኛ ዜዲ ዊል የሚባል ሲሆን የበርካቶችን ትኩረት የሳበውን አምስት ወጣት ሴቶችን ነፍሰ ጡር እንዲሆኑ ከማድረግ ባለፈ በጋራ አንድ ዝግጅት ላይ እንዲሳተፉ ማሳምኑ አነጋጋሪ አድርጎታል። ይህ አስገራሚ ይፋ ያደረገችው ከሴቶቹ መካከል አንዷ የሆነችው ሊዚ አሽሌይ ናት። የ29 ዓመቷ ሴት የቤቢ ሻወር ግብዣን የጥሪ ካርድ በማህበራዊ ሚዲ ላይ ይፋ ስታደርግ የዜዲ ዊል እና የአምስቱ ሴቶችን ፎቶ ያሳያል።

የግብዣው ወረቀት ላይ ትንሹ ዜዲ ዊልስ ከአንድ እስከ 5 እንኳን ደህና መጣህ የሚል ነበር። ሊዚ ባጋራችው ቪዲዮ ላይ አምስቱ ሴቶች ለሕፃናቱ ጥቅም ሲሉ እርስ በእርሳቸው ለመከባበር እና ለመጠባበቅ ቃል ገብተዋል።በጋራ ባስተላለፉት መልዕክት “ቆንጆ ቤተሰብ እንደሆንን ተመልከቱ፤ ባለቤታችንን እንወዳለን! የልጆቻችንን ህይወት ያማረ ይሆናል መላው ቤተሰቦቻችን ይህንን ተቀብሏል ሲሉ ይፋ አድርገዋል።

ከነፍሰ ጡር ሴቶች መካከል አንዷ የሆነችው ሊዚ ያጋራችእ ቪዲዮ በስፋር ተሰራጭቷል። የተለያዩ አስተያየቶች የተሰነዘሩ ሲሆን ድርጊቱን መፈፀማቻው ሳያንስ በአንድ ዝግጅት ላይ መታደማቸውን  “አሳፋሪ” ሲሉ ገልጸውታል። ኒውዮርክ ፖስት ስለ አስገራሚው ቤተሰብ የበለጠ መረጃ ለማግኘት በሰራው ዘገባ መሰረት ወጣቱ ራፐር የአምስት ልጆች አባት ለመሆን ብስለት እንዳለው ተነግሯል ሲል አስነብቧል።

ከህብረተሰቡ ግፊት ተላቀናል በሚል የሚወሰኑ ውሳኔዎች በሁለት ሰዎች መካከል የሚደረጉ የፍቅር ግንኙነቶችን እያዳከሙ የቤተሰብን ትክክለኛ መገለጫን እያደበዘዙ መሆኑን በርካቶች አስተያየት ሰንዝረዋል።

በስምኦን ደረጄ

photo_2024-01-23_15-35-08

ጥር 14፤2016 – እስራኤል 24 ወታደሮቿ በጋዛ ሰርጥ በአንድ ቀን ውስጥ መገደላቸውን አስታወቀች

 

የእስራኤል ጦር 24 ወታደሮቹ በጋዛ ሰርጥ በትላንትናው እለት መገደላቸውን ያስታወቀ ሲሆን ጦሩ የምድር ዘመቻ ከጀመረበት ጊዜ አንስቶ እጅግ አስከፊው ቀን ነው ብሏል። ከሟቾቹ መካከል 21የእስራኤል ወታደሮች በተቀበሩ ፈንጂዎች በተፈጠረ ፍንዳታ ህይወታቸው ማለፉን የእስራኤል መከላከያ ሰራዊት (አይዲኤፍ) አስታውቋል። የፍልስጤም ታጣቂ ተዋጊዎች የተተኮሱት ሚሳኤል የወታደሮቹ ፈንጂዎች ሳይመተ እንዳልቀረ ተነግሯል።

የመከላከያ ሰራዊት ምን እንደተፈጠረ እንደሆነ እየመረመረ ይገኛል። በጋዛ ሃማስ የሚመራው የጤና ሚኒስቴር በበኩሉ ባለፈው 24 ሰዓት ብቻ 195 ፍልስጤማውያን ተገድለዋል።የእስራኤል ጦር ዋና ቃል አቀባይ ዳንኤል ሃጋሪ እንዳሉት ተጠባባቂ ወታደሮቹ የተገደሉት በማዕከላዊ ጋዛ ሰኞ እለት በእስራኤል ድንበር ላይ በሚገኘው ኪስሱፊም ኪብቡዝ በተባለው ስፍራ ነው።

በፍንዳታው ለተገደሉት ሰዎች የቀብር ሥነ ሥርዓት ዝናባማ በሆነው በእየሩሳሌም ሄርዝ ተራራ ተፈጽሟል። ብዙዎቹ ሀዘንተኞች የወታደር ልብስ ለብሰው ቦታው በሰማያዊ እና በነጭ የእስራኤል ባንዲራዎች ተሞልቶ ታይቷል።የእስራኤል ጦር ባለፈው ሰኞ በደቡባዊ ጋዛ በተፈፀመ የተለየ ጥቃት ሶስት መኮንኖች መገደላቸውን አረጋግጧል።

የሀገሪቱ ጠቅላይ ሚንስትር ቤንያሚን ኔታንያሁ እንዳሉት ምንም እንኳን መከራና ስቃይ ቢኖራትም ሀገራቸው ፍፁም ድል እስክታገኝ ድረስ ጥቃቷን እንደምትቀጥል ተናግረዋል።በሌላ በኩል በጋዛ፣ በደቡባዊ ካን ዮኒስ ከተማ ውስጥ በሶስት ሆስፒታሎች ከባድ ውጊያ ተካሂዶ አካባቢው በተፈናቀሉ ሰዎች ተጨናንቋል። የእስራኤል መከላከያ ሃይሉ የካን የኒስ ከተማን ሙሉ በሙሉ መክበቧን አስታውቋል።

ይህም በሃማስ ላይ ያነጣጠረው የምድር ጥቃት ዋና ትኩረት ነው። እስራኤል የቡድኑ መሪዎች እዚያ ተደብቀው ሊገኙበት የሚችለው ስፍራ እንደሆነ እና አንዳንድ እስራኤላውያን ታግተው የሚገኙበት ሊሆን እንደሚችል ታምናለች።

በስምኦን ደረጄ

ጥር 14፤2016 – በአሜሪካ ሪፐብሊካን ፓርቲን ለመወከል በኒው ሃምፕሻየር ዶናልድ ትራምፕ እና ኒኪ ሃሌይ ዛሬ ፊት ልፊት ይፋለማሉ

 

ዶናልድ ትራምፕ በዛሬው እለት በኒው ሃምፕሻየር ቅድመ ምርጫ የመጨረሻዋን ቀሪ የሪፐብሊካን ተቀናቃኛቸውን ኒኪ ሃሌይን ይገጥማሉ። የቀድሞው የአሜሪካ ፕሬዝዳንት ከቀድሞዋ የደቡብ ካሮላይና ገዥ ጋር የሪፐብሊካን እጩ ለመሆን በሚያደርጉ ዘመቻ እንደሚያሸንፉ በርካቶች ተስፋ አድርገዋል።

ኒክ ሃሌይ የኒው ሃምፕሻየር መራጮች እንደሚረዷት ተስፋ እንደምታደርግ ገልጸዋል። ይህው የምርጫ ሂደት ባለፈው ሳምንት በአዮዋ ተካሂዶ ትራምፕ በከፍተኛ ድምፅ ማሸነፋቸው ይታወሳል። የመጨረሻው የሪፐብሊካን እጩ የዲሞክራቱን እጩ ምናልባትም ፕሬዝዳንት ጆ ባይደንን በቀጣዩ ዓመት ህዳር ወር አጠቃላይ ምርጫ ላይ ይገፎካከራሉ ተብሎ ይጠበቃል።

photo_2024-01-23_15-19-52

ጥር 14፤2016 – 83 ዓይነት የጨው እና የዘይት ምርቶች ጥቅም ላይ እነዳይውሉ ታገዱ

 

ከታገዱት ውስጥ 44 ዓይነት የምግብ ዘይት እና 39 ዓይነት የምግብ ጨው ምርቶች ደህንነታቸውና ጥራታቸው ያልተረጋገጡ በመሆናቸው ጥቅም ላይ እንዳይውሉ ይፋ ሆነዋል፡፡

የኢትዮጵያ ምግብና መድኃኒት ባለስልጣን በአዮዲን የበለፀገ የምግብ ጨው እና የምግብ ዘይት ላይ በተደረገ የገበያ የቅኝት ስራ የገላጭ ጽሁፍና የኢትዮጵያ አስገዳጅ ደረጃ ሳያሟሉ እንዲሁም ደህንነታቸውና ጥራታቸው ሳይረጋገጥ ገበያ ላይ የዋሉ ምርቶችን ህብረተሰቡ እንዳይጠቀማቸው አሳስቧል፡፡

የባለስልጣኑ የህዝብ እና ኮምንኬሽን ዳይሬክቶሬት ዳሬክተር አቶ አበራ ደመቀ ለብስራት ሬድዮ እና ቴሌቭዥን እነደተናገሩት ባለስልጣን መስሪያ ቤቱ በሰራው የገበያ ቅኝት ስራዎች እንዳረጋገጠው  44 ዓይነት የምግብ ዘይት ምርት እና 39 ዓይነት አዮዲን የበለፀገ የምግብ ጨው ምርት  ደህንነታቸውና ጥራታቸው ያልተረጋገጡ እንዲሁም የሀገሪቱን አስገዳጅ ደረጃ እና የገላጭ ጽሁፍ ደረጃ ሳያሟሉና ሳይለጥፉ መገኘታቸው ገልጸዋል፡፡

በገበያ ላይ የዋሉት ምርቶችን የገበያ ቅኝት ስራዎችን በማጠናከር እና የቁጥጥር መረጃዎችን ለህብረተሰቡ ተደራሽ በማድረግ ባለስልጣኑ ህብረተሰቡ እራሱ የቁጥጥር ባለቤት እንዲሆን ሲያደርግ መቆየቱ ዳሬክተሩ አስታውቀዋል፡፡

በመሆኑም በየደረጃው ከሚካሄዱ በርካታ የቁጥጥሩ ስራዎች ውስጥ አንዱ የሆነው የገበያ ቅኝት ሲሆን ባለስልጣን መስሪያ ቤቱ ለህብረተሰቡ የሚቀርቡ ምግቦች  ላይ ባደረገው የገበያ ቅኝት በአዮዲን የበለፀገ የምግብ ጨው እንዲሁም ለምግብነት የሚውሉ   የተለያ ዓይነት ማለትም የበቆሎ፣ የሰሊጥ  ፣ የኦቾሎኒ  ፣ የሱፍ አበባ ፣ የጥጥ ዘይት  እና የአትክልት ዘይት የኢትዮጵያ አስገዳጅ ደረጃ ያላሟሉ እና የደረጃ ምልክት ያለጠፉ ምርቶችን መለየታቸውን አቶ አበራ ጨምረው ተናግረዋል፡፡

በምርቱ ላይ ስለምርቱ የተለጠፉ ወይም የተፃፉ የምርት ገላጭ ፅሁፍ የኢትዮጵያ እስታንዳርድ ኢንስቲቲዩት ያወጣው አስገዳጅ  ደረጃ CES 73 2013  ያላሟሉ ሲሆን በቁጥጥር ወቅት የተገኙ ግኝቶች የአምራች ድርጅት ስም ያልተጠቀሰ፣ የአምራች አድራሻ ያልተገለፀ፣ የኢትዮጵያ አስገዳጅ የደረጃ ምልክት የሌለው፣የምርቱ መለያ ቁጥር የሌለው፣የምርቱ ጥሬ ግብዓት ዝርዝር ያልተገለፀ፣ የመጠቀሚያ እና የማብቂያ ጊዜ የሌላቸው ምርቶች መሆናቸው ተለይተዋል፡፡ ጥቅም ላይ እንዳይውሉ የተከለከሉት የዘይትም ሆነ የጨው ምርቶች ዝርዝር ተያይዛል፡፡

አስገዳጅ የሀገሪቱን ደረጃና የገላጭ ጽሁፍ ደረጃን ሳያማሉ ገበያ ላይ የተገኙ
የምግብ ዘይት ምርቶች ዝርዝር

1. ሰመር  ንፁህ የምግብ ዘይት
2. ማሚ የተጣራንፁህ የምግብ ዘይት
3. እስካይ  /Sky Sun flower oil
4. ሳኒ /SANI  Edible Cooking Oil)
5. አዚማር/Azimar Sunflower Oil
6. ኑራ ንፁህ የምግብ ዘይት
7. አበባ ንፁህ የምግብ ዘይት
8. አደይ ንፁህ የምግብ ዘይት
9. ዘቢብ/Zebib Sunflower oil
10. አስሊ ንፁህ የምግብ ዘይት
11. ሪል (Real Pure Food Oil)
12. ዙፋን ንፁህ የምግብ ዘይት
13. ሀኒ(Hani Sunflower Oil)
14. ዲና ንፁህ የምግብ ዘይት
15. ሊና ንፁህ የምግብ ዘይት
16. ማማ የተጣራ የምግብ ዘይት
17.  አል ኑር Al-Nur Sunflowor Oil
18. ዋሪዳ Warida sunflower Oil
19. ዜድ ንፁህ የምግብ ዘይት
20. ደሴት ንፁህ የምግብ ዘይት
21. ከፍታ ንፁህ የምግብ ዘይት Pure Food Oil
22. ንግስት ንፁህ የምግብ ዘይት Nigist pure Food oil
23. ሸገር Sheger pure Edible Oil
24. አሪፍ Arif  የኑግ የምግብ ዘይት
25. አመለ AMEL Edible Oil
26. ብሉ የኑግ ዘይት
27. ንፁህ Nitsuh Food Oil
28. ኡማ ንፁህ የምግብ ዘይት
29. ማዕድ Maed ንፁህ የምግብ ዘይት
30. ሀያት የተጣራ የምግብ ዘይት
31. የምስራች ንፁህ የምግብ ዘይት
32. ህብረት ንፁህ የምግብ ዘይት
33. ጎንደር የምግብ ዘይት Gonder Food Oil
34. ዜማ Zema pure Edible Oil
35. ፋና fana
36. ናና የኑግና የለውዝ የምግብ ዘይት
37. ሪም ንፁህ የምግብ ዘይት
38. አንድነት ANDNET
39. ሲያም ንፁህ የምግብ ዘይት
40. ቤላ  የምግብ ዘይት
41. ሐሊማ  የምግብ ዘይት
42. ወሲላ ንፁህ የምግብ ዘይት Wesila
43. ዝና ንጹህ የምግብ ዘይት
44. ሰነዓ ንጹህ የምግብ ዘይት

#ተጨማሪ

አስገዳጅ የሀገሪቱን ደረጃና የገላጭ ጽሁፍ ደረጃን ሳያማሉ ገበያ ላይ የተገኙ
የምግብ ጨው
1.    አርኪ የገበታ ጨው  ARKY IODIZED SALT
2.    ኢኮ  አዮዳይዝድ ጨው EKKO IODIZED SALT
3.    ስጦታ ጨው  SITOTA Iodized Salt
4.    መስቱራ ባለ አዮዲን የተፈጨ ጨው MESTURA REFIND & IODIZED SALT
5.    አስቤዛ የገበታ ጨው  Asbeza Iodized salt
6.    ዘሀራ የገበታ ጨው  ZAHARA IODIZED SALT
7.    መነስ ጨው MENES IODIZED SALT
8.   ግዩን አዮዲን ጨው Ghion Iodin Salt
9.    አርዲ የገበታ ጨው  ARDI IODIZED SALT
10.    ሳሊህ የገበታ ጨው  SLIHA IODIZED SALT
11.    ናና ጨው NANA SALT
12.    ቤስት የገበታ ጨው Best Iodized Salt
13.    ቅመም የገበታ ጨው Iodized Salt
14.    ረሃ የገበታ ጨው REHA IODIZED SALT
15.    አርዲ የገበታ ጨው ARDY IODIZED SALT
16.    አፊአ የገበታ ጨው AFIA IODIZED SALT
17.    ፋና የገበታ ጨው  Fana table salt
18.    እቴቴ የገበታ ጨው  Etete Iodized Table Salt
19.    ልዩ ጣዕም የገበታ ጨው  LIYU TAEM IODIZED Salt
20.    ሀሮኒ  HARONI Table Salt
21.    ሮም  ROME  ንጹሁ የገበታ ጨው
22.    ቶፕ የገበታ ጨው  TOP IODIZED SALT
23.    ጤና ጨው Tena Iodized salt
24.     ማሬ የገበታ ጨው  MARE IODIZED SALT
25.     ሳፊ የገበታ ጨው  SAFI IODIZED SALT
26. እሜቴ  አዮዳይዝድ  የገበታ ጨው  Iodized Table Salt
27.     ሀላል የገበታ ጨው  HALAL IODIZED SALT
28.     ጡልት ጨው TULIT SALT
29. ሪል የገበታ ጨው  REAL IODIZED SALT
30.     ጎልድ GOLD IODIZED SALT
31.     ስፔሻል የገበታ ጨው  SPECIAL Iodized Table Salt
32.     ሰላም  የገበታ ጨው  IODIZED SALT
33.     ሸሙ በአዮዲን የበለጸገ የገበታ ጨው  SHEMU  IODIZED SALT
34. ኢምሬት ጨው Emirate salt
35.     ኑር NUR IODIZED SALT
36. ሀገሬ አዮዳይዝድ ጨው  HAGERE  Iodized Salt
37.     ኢቲ ኤምኢየገበታ ጨው  ET ME IODIZED SALT
38. ማራኪ MARAKI  በአዮዲን የበለጸገ የገበታ ጨው
39.     ታሪክ የገበታ ጨው TARIK TABLE SALT

በትግስት ላቀዉ

photo_2024-01-23_11-48-47

ጥር 14፤2016 – ኢትዮ ቴሌኮም ባለፉት ስድስት ወራት  11.05 ቢሊዮን ብር ትርፍ ማግኘቱን አስታወቀ

 

👉🏼ባለፈው ስድስት ወር 18.5  ቢሊዮን ብር  ታክስ መክፈሉም ተነግሯል

ኢትዮ ቴሌኮም የ2016 ዓ.ም የስድስት ወር የስራ አፈጻጸም ሪፖርቱን አቅርቧል።  በስድስት ወሩ  አዳዲስ አገልግሎቶችን ከማስተዋወቅ አንጻር ለመስራት  አቅዶ የነበረ መሆኑን ተጠቁሟል ። በዚህም 232 አዳዲስ የሞባይል  ጣቢያዎች አገልግሎት መስጠት ጀምረዋል።

በ 3G 678.2 ሺህ  ፣ 4G 1.1 ሚሊዮን  ፣5G 148.2 ሺህ በድምሩ 1.9 ሚሊዮን  ተጨማሪ አዳዲስ የሞባይል  ደንበኞችን የማስተናገድ አቅም የፈጠረ የሞባይል ኔትዎርክ የተዘረጋ መሆኑን እና በዚህም  የደንበኞች ቁጥር በአጠቃላይ 81 ሚሊዮን መድረሱ የኢትዮ ቴሌኮም ዋና ስራ አስፈጻሚ የሆኑት ወይዘሪት ፍሬህይወት ታምሩ በሪፖርታቸው ገልጸዋል ።

በመፈንቅ ዓመቱ ለገጠር  ቀበሌዎች የሚውል  በ10 ክልሎች ለ41 ወረዳዎች ፣ 229 ሺህ ደንበኞች ማስተናገድ  የሚችሉ 41 አዲስ የሞባይል ጣቢያዎች  አገልግሎት መስጠት ጀምረዋል።

ኢትዮ ቴሌኮም ከፍተኛ የኦፕሬተሮች ቁጥር በመያዝ  በአፍሪካ ሁለተኛ ደረጃ ላይ ይገኛል  በተጨማሪም 42.9 ቢሊዮን ብር ገቢ ማግኘት ችሏል በዚህም ከተያዘው እቅድ 98 በመቶ  ማሳካት መቻሉ እና 26 በመቶ እድገት ማሳየት መቻሉ  ብስራት ሬዲዮ እና ቴሌቪዥን ሰምቷል ። ከዚህም ከፍተኛ ድርሻውን የሚይዘው የድምፅ አገልግሎት  መሆኑም ተጠቁሟል። ባለፈው ተመሳሳይ ዓመት 9. 7 ቢሊዮን  ብር የነበረው ትርፍ በዘንድሮ ዓመት 14 በመቶ  እድገት አሳይቷ 11.05 ቢሊዮን ብር   ትርፍ ማግኘቱም ተነግሯል።

ኢትዮ ቴሌኮም ካደረጋቸው ዋና ዋና ክፍያዎች መካከል ከፍተኛ ድርሻ የሚይዘው የታክስ መሆኑ የተገለጸ ሲሆን በዚህም 18.5 ቢሊዮን ብር ታክስ መክፈሉ የኢትዮ ቴሌኮም  ዋና ስራ አስፈጻሚ ወይዘሪት ፍሬህይወት ታምሩ ገልጸዋል ።

በኤደን ሽመልስ

ጥር 14፤2016 – በእፎይታ የገበያ ማዕከል ጀርባ በደረሰ የእሳት አደጋ ሰባት የንግድ ሱቆችና ሁለት መጋዘኖች ሙሉ በሙሉ ወደሙ

 

👉🏼 በእሳት አደጋው ሁለት ሰዎች ላይም ጉዳት አድርሷል

ትላንት ምሽት 2:47 በአዲስ ከተማ ክፍለ-ከተማ ወረዳ 10 እፎይታ የገበያ ማዕከል ጀርባ በሚገኙ የንግድ ሱቆች እና መጋዘኖች ላይ በደረሰ የእሳት አደጋ በንብረት ላይ ከባድ ጉዳት መድረሱን የአዲስ አበባ የእሳት እና ድንገተኛ አደጋ ኮሚሽን አስታውቋል።

የኮሚሽኑ የህዝብ ግንኙነት ባለሙያ አቶ ንጋቱ ማሞ ለብስራት ሬድዮ እና ቴሌቭዥን እንደተናገሩት በእሳት አደጋዉ  ሰባት የንግድ ሱቆችና ሁለት መጋዘኖች በዉስጣቸዉ ካሉ ንብረቶች ጋር ሙሉ በሙሉ ወድመዋል።

በእሳት አደጋዉ በሁለት ሰዎች ላይ ቀላል ጉዳት የደረሱ ሲሆን በሰባቱ የንግድ ሲቆች የተለያ የልብስ መስፊያ በርካታ ሲንጀሮች ሚሊ በሚሊ የወደሙ ሲሆን በሁለቱ መጋዘን  ውስጥ የነበሩ ጨርቃ ጨርቆችን እና ስፖንጆችም መውደማቸው ተነግራል፡፡

የእሳት አደጋዉን ለመቆጣጠር 11 የአደጋ መቆጣጠር ተሽከርካሪዎች ከ60 የአደጋ ጊዜ ሰራተኞች ጋር የተሰማሩ ሲሆን የእሳት አደጋዉ በአካባቢዉ ባሉ የንግድ ሱቆች ተዛምቶ በገበያ ማዕከላቱ ተጨማሪ ጉዳት ሳያደርስ መቆጣጠር ተችሏል።

የእሳት አደጋዉን ለመቆጣጠር ከሶስት ሰዓት በላይ መፍጀቱን አቶ ንጋቱ ጨምረው ነግረውናል፡፡ አካባቢዉ በከተማ ደረጃ ለእሳት አደጋ ከተለዩ የገበያ ቦታዎች አንዱ ሲሆን በተደጋጋሚ የእሳት አደጋ አጋጥሞ በንብረት ላይ ጉዳት ደርሷል።

የገበያ ማዕከላቱ የተገነቡበት ግብዓትና የዉስጥ አደረጃጀቱና ስራዎች የሚከናወኑበት ሁኔታ እንዲሁም ለአደጋ መቆጣጠር ተሽከርካሪዎች መግቢያ መንገድ ከአጋላጭ ሁኔታዎቹ የሚጠቀሱ ናቸዉ ተብላል።

በትግስት ላቀዉ

photo_2024-01-23_08-38-12

ጥር 14፤2016 – ታሪክ አዋቂው እውቁ ጋዜጠኛ ገነነ መኩርያ (ሊብሮ) ከዚህ ዓለም በሞት ተለየ

 

በኢትዮጵያ እግርኳስ ያለፉትን ሃምሳ አመታት በላይ በስፖርት ጋዜጠኝነት በታታሪነት ፣ በታሪክ አዋቂነት እና ሊብሮ ጋዜጣን በማዘጋጀት እንዲሁም በብስራት ሬዲዮ መሴ ሪዞርት ፕሮግራም የሚታወቀዉ አንጋፋው ጋዜጠኛ ገነነ መኩርያ (ሊብሮ) በህክምና ሲረዳ ቆይቶ ከዚህ ዓለም በሞት መለየቱ ተሰምቷል።

ብስራት ሬዲዮና ቴሌቪዥን የታላቁ የስፖርት ጋዜጠኛ ሕልፈተ ሞት የተሰማትን ጥልቅ ሀዘን እየገለፀች ለቤተሰቦቹ ለወዳጆቹ እና ለመላው የስፖርት ቤተሰብ መፅናናትን ይመኛል