photo_2024-04-02_15-27-46

መጋቢት 24፤2016 – የሐማስ መሪ እስማኤል ሃኒዬ እህት በእስራኤል በቁጥጥር ስር ዋለች

 

የእስራኤል ፖሊስ በደቡብ እስራኤል ባደረገው ዘመቻ የ57 አመቷን የሃማስ መሪ እስማኤል ሃኒዬህ እህት መያዙን አስታዉቋል።የእስራኤል ዜጋ የሆነችው ሳባህ አብደል ሳላም ሃኒዬህ በቴልሼቫ ከተማ በቁጥጥር ስር የዋለች ሲሆን የእስራኤል የደህንነት ኤጀንሲ ሺን ቤትን ያካተተ የምርመራ ዘመቻን መደረጉን ተከትሎ ነዉ።የሃኒዬ እህት መሆኗን ያረጋገጡት የፖሊስ ቃል አቀባይ “ከሃማስ ኦፕሬተሮች ጋር ግንኙነት በመፍጠር እና ከድርጅቱ ጋር በመገናኘት በእስራኤል ውስጥ የሽብርተኝነት ድርጊቶችን በማነሳሳት እና በመደገፍ ተጠርጥራለች” ብለዋል፡፡

በቤቷ ውስጥ “በእስራኤል መንግስት ላይ ከባድ የደህንነት ጥፋቶችን የሚያሳዩ ሰነዶች፣ ሚዲያዎች፣ ስልኮች፣ ሌሎች ግኝቶች እና ማስረጃዎች”መያዙን ፖሊስ አስታዉቋል፡፡በሌላ በኩል በፈረንሣይኛ ስያሜው ኤም ኤስ ኤፍ የሚታወቀው ድንበር የለሽ የሀኪሞች ቡድን፣ በአል አቅሳ ሆስፒታል የሚሠራው ስራ እሁድ ዕለት በእስራኤል የአየር ጥቃት መፈጸሙን ተከትሎ ሥራ ማቆሙን እና ሽፋን እየፈለገ መሆኑን አስታዉቋል፡፡

“ቡድናችን በአቅራቢያው ከፍተኛ ፍንዳታ ሲሰማ ጥቃቱ ማለቁ እስኪረጋገጥ ድረስ በሆስፒታሉ ውስጥ የነበረንን ስራ አቁመናል” ሲሉ አስተባባሪዎቹ ተናግረዋል።ኤም ኤስ ኤፍ “አፋጣኝ እና ቀጣይነት ያለው” የተኩስ አቁም ጥሪውን በድጋሚ አቅርቧል።በጥቃቱ ቢያንስ አራት ሰዎች ሲገደሉ ሌሎች 17 ሰዎች ቆስለዋል።

የጋዛ ጤና ሚኒስቴር እንዳስታወቀው እስራኤል ወታደሮቿን እና ታንኮችን ከጋዛ አል-ሺፋ የህክምና ኮምፕሌክስ ዉስጥ አውጥታለች ብሏል።ሚኒስቴሩ በደርዘን የሚቆጠሩ አስከሬኖች ከፍርስራሽ ዉስጥ ተገኝተዋል ብሏል፡፡የኢራን የውጭ ጉዳይ ሚኒስቴር ቃል አቀባይ ናስር ካናኒ ከአል-ሺፋ ሆስፒታል የተገኙት ምስሎች “አስፈሪ እና አስደንጋጭ ናቸው” ብለዋል።‹‹ዓለም አቀፍ ድርጅቶችና ተቋማት ኃላፊነታቸውን ይወጡ ይሆን? የታወቁ የሰብአዊ መብት ተከራካሪዎች የዚህን ግልጽ የጦር ወንጀል ስፋት በተመለከተ አለም አቀፍ ምርመራን ይደግፋሉ ወይንስ መራጭ እና አድሎአዊ ባህሪው ይቀጥላል? በማለት የሚኒስቴሩ ቃል አቀባይ በኤክስ ገጻቸዉ ላይ አስፍረዋል፡፡

የእስራኤል ጦር በበኩሉ ከጥቅምት 7 ጥቃት ወዲህ የተገደሉበት ወታደሮች ቁጥር 600 መድረሱን አስታዉቋል፡፡

በስምኦን ደረጄ

መጋቢት 24፤2016 -የእንቦጭ አረም ለቆቃ ግድብ ደህንነት ስጋት ሆኗል ተባለ

 

የቆቃ ግድብ ዘርፈ ብዙ አገልግሎት የሚሰጥ በመሆኑ ትኩረት ሊሰጠው እንደሚገባ ተጠቁሟል።የእንቦጭ አረም ፕሮጀክት ዋና ተመራማሪ ፕሮፌሰር ኢማና ጌቱ ለብስራት ሬዲዮና ቴሌቪዥን እንደተናገሩት በአሁኑ ወቅት የእንቦጭ አረም የግድቡን ደህንነት በከፍተኛ ሁኔታ እየጎዳው ይገኛል።

የቆቃ ሀይቅ ያለበትን ሁኔታ በሚመለከት ከዚሁ አረም ጫና ጋር ተያይዞ ቀድሞ የነበረው የውሀ መጠን እንዲቀንስ አድርጎታል።በግድቡ ላይ የተስፋፋውን የእንቦጭ አረም በአፋጣኝ ማስወገድ ካልተቻለ ግድቡ የጣና ሀይቅ እጣ ሊያጋጥመው ይችላል ሲሉ ፕሮፌሰሩ ስጋታቸውን ገልፀዋል።

የእንቦጭ አረም በከፍተኛ ሁኔታ እራሱን መተካት የሚችል በመሆኑ ትኩረት የሚሻ ነው ያሉት ተመራማሪው ይህንን ሀይቅ ለመታደግ የተለያዮ የምርምር ስራዎች እየተከናወኑ ናቸው ሲሉ ጨምረው ለጣቢያችን ተናግረዋል።በተደረገው የምርምር ስራ የእንቦጭ አረም በሀይቁ ላይ በመስፋፋቱ ግድቡን ዘግቶታል ፣ ውሀው እንዳይተላለፍ ጫናን ስለመፍጠሩ መረዳት ተችሏል።

ይህም የውሀውን ደህንነት ስለሚጎዳው ልዮ ትኩረት ሊሰጠው እና ሁሉም የሚመለከታቸው አካላት ድርሻቸውን ሊወጡ ይገባል በማለት አሳስበዋል።የሀይቁን ደህንነት ለመታደግ የውሃና ኢነርጂ ሚኒስቴር ከኦሮሚያ ብሔራዊ ክልላዊ መንግስት ውሃና ኢነርጂ ቢሮ ጋር በመተባበር በቆቃ ግድብ ላይ የተስፋፋውን የእንቦጭ አረም ለማስወገድ የማስጀመሪያ እና የካርታ ርክክብ መርሃ ግብር በአዳማ ከተማ ማካሄዱ ተገልጿል።

በቅድስት ደጀኔ

photo_2024-03-25_15-21-25

መጋቢት 16፤2016 – በቤንች ሸኮ ዞን በዝሆነ በሽታ ለተጠቁ ከ200 በላይ ሰዎች ህክምና መሰጠቱ ተነገረ

 

በቤንች ሸኮ ዞን በሼይቤንች ወረዳ በሁሉም ጤና ጣቢያዎች በዝሆነ በሽታ ለተጠቁት የህብረተሰብ ክፍሎች የህክምና አገልግሎት እየተሰጠ እንደሚገኝ ተገልጿል ።

የወረዳው ጤና ጥበቃ ጽህፈት ቤት በጽህፈት ቤቱ ስር በሚገኙ ስድስት ጤና ጣቢያዎች በዝሆነ በሽታ ለተጠቁ ሰዎች የህክምና አገልግሎት እየተሰጠ እንደሚገኝ በወረዳው ጤና ጽህፈት ቤት የእናቶችና ህፃናት ቡድን መሪ አ/ቶ ሰለሞን ሀይለማሪያም ለብስራት ራዲዮና ቴሌቪዥን ተናግረዋል ።

ለተጠቃሚዎች የህክምና አገልግሎቱን ለመስጠት ከወረዳው የተውጣጡ የህክምና ባለሙያዎች ስልጠና መውሰዳቸው አንስተዋል ።  በዚህም መሠረት ህክምናው በተጠናከረ ሁኔታ ተሰጥቶ ከ200 በላይ ሰዎች አገልግሎት ማግኘታቸውን ገልፀዋል ።

በቀጣይም የሚሰጠው ህክምና የሚቀጥል መሆኑና አገልሎቱ ለተሰጣቸው የሚደረገው ክትትል ቀጣይነትም ያለው ነው ብለዋል ። የተደረጉ ድጋፎች እንዳሉ የተገለፀ ሲሆን የዝሆነ በሽታ በስፋት በመኖሩ እንዲሁም በሽታው እግር ላይ የሚከሰት በመሆኑ በዚሁ በሽታ ለተጠቁ ሰዎች የሚሆን የጫማ ግባት ችግር እንዳለ ተጠቁሟል ።

አያይዘውም በሽታው በቂ ትኩረት እንዳልተሰጠው ያነሱት አ/ቶ ሰለሞን በተለይም ተጠቂዎች ከፈጣሪ እንደሆነም የማሰብ ሁኔታም እንዳለ ተናግረዋል ።

በአበረ ስሜነህ

photo_2024-03-25_15-20-59 (2)

መጋቢት 16፤2016 – በጋዛ የሚፈጸመውን ጥቃት በመቃወም የረሃብ አድማ በማድረግ ላይ የነበረች ካናዳዊት ተማሪ ራሷን ሳተች

 

ተማሪዋ የምትማርበት ማክጊል ዩኒቨርሲቲ ለእስራኤል የጦር መሳሪያ በሚያቀርቡ ኩባንያዎችን በመቃወም ለ34 ቀናት የረሃብ አድማ ካደረገች በኋላ ነው ራሷን የሳተችው፡፡

በሞንትሪያል በሚገኘው የማክጊል ዩኒቨርሲቲ የምትማረው ራኒያ አሚን ራሷን ከሳተች በኋላ አሁን በሆስፒታል ውስጥ  ክትትል ላይ እንደሆነች ሚድል ኢስት አይ ዘግቧል። አሚን፣ ማክጊል ዩኒቨርሲቲ ለእስራኤል የጦር መሳሪያ ከሚያቀርቡ ኩባንያዎች ራሱን እንዲያርቅ ግፊት ለማድረግ የረሃብ አድማ ከጀመሩ የተማሪዎች ቡድን አንዷ ናት።

በረሃብ አድማው 17 የሚደርሱ ተማሪዎች እየተሳተፉ ነው። እርሷ ከሌሎቹ በተለየ የረሀብ አድማውን ጠንከር አድርጋ ስትገፋበት ቆይታለች፡፡የማክጊል ዩኒቨርስቲ ድረ-ገጽ እንደሚያሳየው ተቋሙ ሎክሂድ ማርቲን በተባለ የኤሮስፔስ እና የጦር መሳሪያ አምራች ላይ የአክስዮን ድርሻ አለው፡፡ ይህ ኩባንያ ለእስራኤል ተዋጊ ጄቶችን በማቅረብ ይታወቃል፡፡

ሌላኛው ዩኒቨርስቲው ገንዘቡን ያፈሰሰበት ድርክት ሳፋራን የተባለ የፈረንሳይ የጦር መሳሪያ አምራች ነው። ይህም ኩባንያ ለቴልአቪቭ መሳሪያ ከሚያቀርቡት መሀል ይገኝበታል፡፡ተማሪዎቹ እንደሚሉት ማክጊል ዩኒቨርሲቲ 20 ሚሊዮን ዶላር በጦር መሳሪያ አምራቾች እና ሌሎች ከእስራኤል ጋር ግንኙነት ባላቸው ኩባንያዎች ላይ ፈሰስ አድርጓል። እስራኤል በጋዛ ሰርጥ ላይ መጠነ-ሰፊ የሆነ ጥቃትን ከጀመረችበት ጊዜ አንስቶ ከ32,000 በላይ የጋዛ ነዋሪዎች መገደላቸውን ተከትሎ በዓለም ዙሪያ ባሉ ዩኒቨርሲቲዎች ተቃውሞዎች እየተካሄዱ ናቸው፡፡

አሚን “የማክጊል ዩኒቨርሲቲ ምንም አይነት አማራጭ አላስቀረንም፡፡ ምክንያቱም ሰላማዊ ተቃውሞዎችን፣  ችላ ተብሏል” ስትል ወድቃ ሆስፒታል ከመግባቷ በፊት ለዘ-ጋርዲያን ተናግራለች። “ማክጊል በመጨረሻ ይህንን ከባድ እርምጃ እንድንወስድ አድርጎናል፡፡ የመማሪያ ገንዘባችንን በዚህ መንገድ ኢንቨስት ለማድረግ መጠቀማቸው በፍጹም ተቀባይነት የለውም” ስትልም አክላለች።

ባለፈው ህዳር የዩኒቨርስቲው ተማሪዎች በጋራ ተፈራርመው ድርጊቱ እንዲቆም ቢጠይቁም፣ ማክጊል ግን ከኩባንያዎቹ ገንዘቡን ለማውጣት ፈቃደኛ አልሆነም።

በሳምራዊት ስዩም

photo_2024-03-25_15-20-19

መጋቢት 16፤2016 – ኢትዮጵያ ባለፏት ስድስት ወራት ከእንጆሪ ሽያጭ ከ3 ሚሊዮን የአሜሪካን ዶላር በላይ ገቢ አገኘች

 

ኢትዮጵያ ባለፏት ስድስት ወራት ለውጪ ገበያ ካቀረበችው የእንጆሪ ምርት ሽያጭ 3 ሚሊዮን 1 መቶ 91 ነጥብ 84 የአሜሪካን ዶላር ገቢ አግኝታለች ሲል የግብርና ሚኒስቴር አስታውቋል።

በሚኒስቴሩ የግብርና ኢንቨስትመንት እና ምርት ግብይት መሪ ስራ አስፈጳሚ አቶ ደረጄ አበበ ለብስራት ሬድዮና ቴሌቭዥን እንደተናገሩት በአሁኑ ወቅት የኢትዮጵያ የእንጆሪ ምርት በበርካታ የአለም ሀገራት ተፈላጊነቱ እየጨመረ መጥቷል።

በበጀት አመቱ ስድስት ወራት  ለውጪ ገበያ ከቀረቡት የተለያዮ የፍራፍሬ አይነቶች መካከል  ትልቁን ገቢ በማስገኘት በኩል የእንጆሪ ምርት  ቀዳሚው ነው ሲሉ  ተናግረዋል።ባለፏት ስድስት ወራት ከፍራፍሬ  የውጪ ንግድ  7 ነጥብ 44  ሚሊዮን የአሜሪካን ዶላር  መገኘቱን መሪ ስራ አስፈጻሚው ገልፀው  የእንጆሪ ምርት ትልቁን ድርሻ ይይዛል ብለዋል።

በዚህም በበጀት አመቱ ግማሽ አመት ወደ ውጪ ሀገራት ከተላኩት የፍራፍሬ ምርቶች ውስጥ ከእንጆሪ ምርት ብቻ  ከ3 ሚሊዮን የአሜሪካን ዶላር በላይ ገቢ ማግኘት ተችሏል ያሉት አቶ ደረጄ በዋናነት ምርቱ ወደ ተለያዮ የአውሮፓ፣  ፣ኤዥያ እና አፍሪካ ሀገራት መላኩን ተናግረዋል።

የገበያ መዳረሻ ከሆኑት ሀገራት መካከልም ጀርመን፣ጋና፣ጋቦን ፣ሴራሊዮን፣ኢኳቶሪያል ጊኒ፣እንዲሁም ኔዘርላንድ ተጠቃሾች ናቸው ተብሏል።የሆለታ እንጆሪ ከሌሎች ሀገራት በጣእሙ ተወዳጅ በመሆኑ በተለይም  በአውሮፓና አሜሪካ ላይ ምርቱ ያለው ተፈላጊነት ከፍተኛ እንደሆነ ተጠቅሷል።

ይህን ፍላጎት ተከትሎ ባለሀብቶች ሆለታ ላይ የእንጆሪ ምርትን እያመረቱ እንደሚገኙ የተናገሩት መሪ ስራ አስፈጳሚው  ይህም ምርቱን በብዛት አምርቶ ለገበያ ለማቅረብ አስተዋጵኦ አድርጓል ነው ያሉት ።

ምርቱን በቀጥታ አምርተው ለገበያ የሚያቀርቡ በርካታ አምራችና ላኪዎች  በዘርፉ መሰማራታቸውን ገልፀዋል።ይሁን እንጂ ባለሀብቶቹ ምርቱን ከዚህ በበለጠ በተሻለ ለማምረትና ለውጪ ገበያ ለማቅረብ ፍላጎት ቢኖራቸውም  የማስፋፊያ ጥያቄ እንደሚያነሱ ተገልጻል።

በዘርፏ የተሰማሩ አምራችና ላኪዎች ምርቱን በብዛት አቅርበው ለገበያ የሚያቀርቡበትን መንገዶች የማመቻቸት እና  ከማስፋፊያ ስራ ጋር ተያይዞ ለሚያነሱአቸው ጥያቄዎች ምላሽ ለመስጠት  ጥረት እንደሚደረግ ሚኒስቴሩ ገልጻዋል።

በቅድስት ደጀኔ

photo_2024-03-21_21-11-57

መጋቢት 12፤2016 – የታመመ መስሎ መንገድ ዳር በመተኛት የመኪና ስፖኪዮ የሰረቀን ግለሰብ በቁጥጥር ስር ማዋሉን ፖሊስ አስታወቀ

 

ተጠርጣሪው ያሬድ ሳሙኤል ይባላል መተዳደሪያውን ጎዳና ላይ ያደረገ ሲሆን በጉለሌ ክ/ከተማ ወረዳ 2 በተለምዶ ኩኩ ሰብስቤ እየተባለ በሚጠራው አካባቢ የተገኘው ለመጀመሪያ ጊዜ ቢሆንም በተለያዩ ቦታዎች እየተንቀሳቀሰ ተመሳሳይ የወንጀል ድርጊት ይፈፅም እንደነበረ  ለፖሊስ በሰጠው ቃል ገልጿል፡፡

ተጠርጣሪ ያሬድ ሳሙኤል በአካባቢው ካልተመቸው ህመምተኛ መስሎ መንገድ ዳር በመተኛት ከወጪ ወራጁ ምፅዋት የሚጠይቅ ሲሆን መጋቢት 12 ቀን 2016 ዓ.ም ከሰው እይታ ውጪ የሆነ መስሎት ከቆመ ተሸከርካሪ ላይ የ10 ሺ ብር ዋጋ ያለው  ስፖኪዮ በመገንጠል ሰርቆለማምለጥ ሲሞክር በፖሊስ እጅ ላይ ወድቋል፡፡

ከክ/ከተማው ፖሊስ ባገኘነው መረጃ መሰረት ምርመራ የማስፋት ስራ መቀጠሉን ገልጿል፡፡
አንዳንድ ወንጀል ፈፃሚዎች በተለያዩ ቦታዎች ላይ በመንቀሳቀስ ካልተመቻቸው ችግረኛ እና ህመምተኛ በመምሰልና እርዳታ በመጠየቅ ምቹ ሁኔታ ካጋጠማቸው ደግሞ ልዩ ልዩ ወንጀሎችን እንደሚፈፅሙ ህብረተሰቡ ይወቀዉ ሲል የአዲስአበባ ፖሊስ አሳስቧል።

photo_2024-03-21_21-11-57

መጋቢት 12፤2016 -የጥቁር አንበሣ ስፔሻላይዝድ ሆስፒታል ሀሰተኛ የሜዲካል ቦርድ ሰነድ በማዘጋጀት ሕገ-ወጥ የሰዎች ዝውውር ወንጀል ሲፈፅም የነበረ ተጠርጣሪ በቁጥጥር ሥር ማዋሉን ፖሊስ አስታወቀ ጌቱ ደጀን ወልደአረጋይ የተባለ የጥቁር አንበሣ ሆስፒታል ሠራተኛ የሆስፒታሉን ሀሰተኛ የሜዲካል ቦርድ ሰነድ በማዘጋጀት ሕገ-ወጥ የሰዎች ዝውውር እና ሕገ-ወጥ የገንዘብ ዝውውር ወንጀሎችን ሲፈፅም በቁጥጥር ሥር መዋሉን ፖሊስ አስታወቀ።

 

ግለሰቡ ወደ ውጭ ሀገር በሕገ-ወጥ መንገድ ለሚሰደዱ ኢትየጵያውያን በህመም ምክንያት ከሀገር ውጭ ሄደው እንዲታከሙ የጥቁር አንበሳ ሆስፒታል ቦርድ ወስኗል የሚል ሀሰተኛ ደብዳቤ በማዘጋጀት ፣ ከኢምባሲው ስለ ትክክለኛነቱ የይጣራ ጥያቄ ሲቀርብ ሰነዱ ትክክለኛ ነው የሚል ምላሽ በመስጠት እና ባንኮች የውጭ ምንዛሬ በሀሰት ታማሚ ለተባሉ ግለሰቦች በመስጠት እንዲተባበሯቸው የሚገልፅ ደብዳቤ በመጻፍ ሕገ-ወጥ የገንዘብ እና የሰዎች ዝውውር ወንጀል ሲፈጽም እንደነበረ ፖሊስ ደርሼበታለሁ ብሏል።

ተጠርጣሪው በሀሰተኛ ስም ዶ/ር አባይ ገብረስላሴ በመባል የሚጠራ ግለሰብ ከኢትዮጵያ ወደ አውሮፓ ሀገራት መሄድ ፍላጎት ያላቸውን ግለሰቦች በማፈላለግ በህመም ምክንያት ከሀገር ወጥተው እንዲታከሙ የጥቁር አንበሳ ሆስፒታል የቦርድ አመራር ወስኗል የሚል ሀሰተኛ የጥቁር አንበሣ ስፔሻላይዝድ ሆስፒታል ደብዳቤ በማዘጋጀት ተጠርጥሮ ከመጋቢት 10 ቀን 2016 ዓ.ም ጀምሮ በቁጥጥር ስር ውሎ ምርመራ እየተጣራበት መሆኑን ፖሊስ ገልጿል፡፡

ፖሊስ የፍርድ ቤት የብርበራ ትዕዛዝ አውጥቶ በተጠርጣሪው ቢሮ ውስጥ ባደረገው ብርበራ ግለሰቡ ያዘጋጃቸው ሀሰተኛ፦
1. የአዲስ አበባ ዩንቨርሲቲ የጥቁር አንበሳ ስፔሻላይዝድ ሆስፒታል ክብ ማህተም፣

2. Addis Ababa university faculty medicine ክብ ማህተም፣

3. የጤና ሣይንስ ኮሌጅ የሥነ-ምግባር እና ፀረ ሙስና መከታተያ ክፍል ክብ ማህተም፣

4. የአዲስ አበባ ከተማ አስተዳደር ጤና ቢሮ ክብ ማህተም

5. የጤና ሚኒስቴር ክብ ማህተም፣

6. Addis Ababa university dep’t of surgical medical faculty ክብ  ማህተም፣

7. የአዲስ አበባ ዩንቨርሲቲ የራዲዮቴራፒ ሕክምና ማዕከል ክብ ማህተም፣

8. የኢ.ፌ.ዲ.ሪ አ.አ.ዩ ህክምና ፋካልቲ የጥቁር አንበሣ ስፔሻላይዝድ ሆስፒታል ክብ  ማህተም፣

9. በአዲስ አበባ ከተማ አስተዳደር የምግብና የመድሃኒት እንክብካቤ አሰተዳደርና ቁጥጥር ባለስልጣን ክብ ማህተም፣

10. የአዲስ አበባ ዩንቨርሲቲ የአጥንት ቀዶ ህክምና ትምህርት ክፍል ክብ ማህተም፣

11. የአዲስ አበባ ዩንቨርሲቲ ጤና ሣይንስ ኮሌጅ ኬዝ ቲም 11 ክብ ማኅተም
፣
12. ጤና ሚኒስቴር የኢትዮጵያ የዜጎች ጤና ለሀገር ብልፅግና የሚል ክብ ማህተም፣

13. HILINA TADESSE TIYO (MD) Medical service General Directorate Director General የሚል ቲተር፣ በተለያዩ ግለሰቦች እና ድርጅቶች የተዘጋጁ የራስጌ ማህተሞችን ፖሊስ በኤግዚቢትነት መያዙን አስታዉቋል።

ከዚህም ባሻገር ተጠርጣሪው ያዘጋጃቸው የጥቁር አንበሣ ሆስፒታል የህክምና ቦርድ የታካሚዎች ሀሰተኛ ሰነዶች፣ ለኢትዮጵያ ንግድ ባንክ ዓለም አቀፍ ባንኮች ግንኙነት መምሪያ የተዘጋጁ ሀሰተኛ ሰነዶች እና የተለያዩ የግለሰቦች ፓስፖርት እና ሌሎች የተለያዩ ሀሰተኛ ሰነዶች በተደረገው ብርበራ የተገኙ መሆኑን ፖሊስ ጨምሮ ገልጿል።

photo_2024-03-03_09-33-36

የካቲት 24፤2016 – በህንድ የፖሊስ የደንብ ልብስ በመልበስ ተቆጣጣሪ በመምሰል የገዛ እህቱ ፈተና እንድትኮርጅ ያደረገው ግለሰብ በቁጥጥር ስር ዋለ

አንድ ህንዳዊ የፖሊስ የደንብ ልብስ በመልበስ እና የገዛ እህቱ የ12ኛ ክፍል ፈተና እንድትኮርጅ በማድረጉ በቁጥጥር ስር መዋሉ ተሰምቷል። የከፍተኛ ሁለተኛ ደረጃ ፈተና በህንድ ማሃራሽትራ ግዛት ውስጥ ለሚገኙ ተማሪዎች ከየካቲት 21 አንስቶ መስጠት ተጀምሯል። ይህ የፈተና ወቅት በህንድ አስገራሚ የኩረጃ ተግባር የሚፈፀምበት እንደሆነ የመገናኛ ብዙሃኑ መረጃ ያሳያል።

የ24 አመቱ ወጣት በፓቱር ከተማ ሻህባቡ ኡርዱ ሁለተኛ ደረጃ ትምህርት ቤት ለራሱ ዓላማ ሲል ከባድ ፈተናውን እህቱ እንድታልፍ የፖሊስ ካኪ የደንብ ልብስ ለብሶ ተገኝቷል። አኑፓም ማዳን ካንዳሬ  የፖሊስ የደንብ ልብሱን በመልበስ ከመንግስት የተመደበ ተማሪዎቹን ይቆጣጠራሉ በሚል ሰበብ ወደ ፈተና ማዕከሉ ሰርጎ ለመግባት እና እህቱ ፈተናውን እንድታልፍ አስፈላጊውን መረጃ ለመስጠት አቅዷል። ነገር ግን ነገሮች እርሱ እንዳቀደው በትክክለኛው አቅጣጫ አልሄደለትም። ካንዳሬ ወደ ሻህባቡ ኡርዱ ሁለተኛ ደረጃ ትምህርት ቤት በቀላሉ መግባት ችሏል።

እቅዱን ለመፈጸም በዝግጅት ላይ ሳለ ግን አንድ ትክክለኛ የፖሊስ ተቆጣጣሪ እና የፖሊስ አባላቱ በፈተናው ደህንነት ዙሪያ መነጋገር እርሱ ወዳለበት ስፍራ ይመጣሉ። ሀሰተኛው ፖሊስ የፖሊስ ባልደረቦቹን ሰላም ለማለት ሲሞከረ ግን ወጣ ያለ ሰላምታ የሆነበይ አንዱ ፖሊስ ወዲያው ጥርጣሬውም ይገልጻል። እውነተኛዎቹ ፖሊሶች የ 24 ዓመቱን የደንብ ልብስ የለበሰውን ፖሊስ በሚገባ መመርመር ሲጀምሩ ግን  አለመጣጣም በደንብ ያስተውላሉ።

በመጀመሪያ፣ በዩኒፎርሙ ላይ ያለው ስም ትክክል እንዳልሆነ፣ ከዚያም የደንብ ልብሱ ጥራት ጉድለት እንዳለበት አይተዋል። በመቀጠል ኪሱን ሲፈትሹ የ12ኛ ደረጃ ፈተና እየወሰደች ያለችውን እህቱን ለማስኮረጅ የያዛቸውን የፈተና ወረቀት አግኝተዋል። የ24 አመቱ የውሸት ፖሊስ በቁጥጥር ስር ውሎ የመንግስት ሰራተኛን በማስመሰል ወንጀል ተከሷል። አሁን ለትክንቱ ምክንያት ጊዜውን ከእስር ቤት ሊያጠፋ ይችላል።

በህንድ በአካዳሚክ ትምህርት የላቀ ደረጃ ላይ ለመድረስ አስፈላጊው የፈተና ወቅት ሲደርስ የማጭበርበር፣ የማስመሰል እና ሌላው ቀርቶ ፈተና እስከ ማሰረቅ የሚደርሱ ድርጊቶች የተለመዱ ሆነዋል። በርካቶች ስርዓቱ የሚደረገው ክትትል አፅንዖት በመስጠት እና የበለጠ ጥብቅ ፍተሻዎች እንደሚያስፈልገው ያምናሉ።

በስምኦን ደረጄ

የካቲት 21፤2016 – የኢትዮጵያ የክፍያ መንገዶች ኢንተርፕራይዝ ባለፉት ስድስት ወራት  ከግማሽ ቢሊዮን በላይ ገቢ ማግኘቱን አስታወቀ

 

የኢትዮጵያ የክፍያ መንገዶች ኢንተርፕራይዝ በ2016 በጀት ዓመት የመጀመሪያዎቹ ስድስት ወራት ከ5ሚሊየን በላይ የትራፊክ ፍሰት በማስተናገድ ከክፍያ መንገድ አገልግሎት እና ከልዩ ልዩ ገቢዎች ከ514 ሚሊዮን 6 መቶ 2 ሺህ ብር በላይ ገቢ ማግኘት መቻሉን አስታውቃል፡፡

በመጀመሪያዎቹ ስድስት ወራት ከታክስ በፊት ከ271 ሚሊየን ብር በላይ ብር ትርፍ ያስመዘገበ ሲሆን ከባለፈዉ አመት ተመሳሳይ ወቅት ጋር ሲነጻጸር 27 በመቶ የትርፍ እድገት ለማስመዝገብ መቻሉን የኢንተርፕራይዙ የኮሙኒኬሽን ባለሙያ አቶ ስንታየው መኮንን ለብስራት ሬዲዮ እና ቴሌቪዥን ተናግረዋል፡፡

የኢንተርፕራይዙ የ2016 በጀት ዓመት የመጀመሪያዉ ስድስት ወራት የትርፍ አፈፃፀም ከዕቅዱ ጋር ሲነጻጸር 111 በመቶኛ ማስመዝገብ መቻንም ገልጻል፡፡በመንገዶቹ ዘመናዊ ቴክኖሎጂዎችን በመጠቀም አገልግሎት እየሰጠ እና የላቀ አፈፃፀም ለማስመዝገብ እየሰራ መሆኑን ያስታወቁት አቶ ስንታየው ያሉትን ጠንካራ ጎኖችን አጠናክሮ በማስቀጠል፣ የሚያጋጥሙ ችግሮችና የሚስተዋሉ ድክመቶችን ለመቅረፍ እንደሚሰራ ገልጸዋል፡፡

ያለውን የሰው ኃይል በዕውቀትና በክህሎት በማሳደግ፣ የአሰራር ስልቶችን በማሻሻል በስፋት እየተቀሳቀሱ መሆኑን አስታውቀዋል፡፡የመንገዱን ደህንነት ከማስጠበቅ አኳያ በተለያዩ ቦታዎች ሰፊ የግንዛቤ መፍጠሪያ መርሃ ግብሮችን በማዘጋጀት በማስተማር እና በመንገዱ ክልል ውስጥ የ24 ሰዓት የመንገድ ላይ ቅኝታዊ ቁጥጥር ኢንተርፕራይዙ እያደረገ መሆኑንም ተገልጻል፡፡

ከባለድርሻ አካላት ጋር በቅንጅት በመስራት ካለፈው ዓመት ተመሳሳይ ወቅት ጋር ሲነፃፀር የትራፊክ አደጋ በ15 በመቶ መቀነስ የተቻለ ሲሆን በትራፊክ አደጋ የሚደርስ የሞት መጠን ከባለፈው ዓመት ተመሳሳይ ወቅት ጋር ሲነፃፀር በ25 በመቶ መቀነስ ተችላል ተብላል፡፡

በትግስት ላቀዉ

Screenshot 2024-02-26 202636

የካቲት 18፤2016 – አዛዉንቶቹ የደቡብ ኮሪያ ሴት ራፕሮች የህይወት ጉዞ አድናቆት ተችሮታል

 

ሱኒ እና ሰባቱ ልዕልቶች በ70ዎቹ እና 80 ዎቹ ውስጥ የእድሜ ክልል ዉስጥ በሚገኙ ደቡብ ኮሪያውያን አያቶች የተዋቀረ ታዋቂ የራፕ ቡድን ነው።

በደቡብ ኮሪያ ሰሜን ጂዮንግሳንግ ግዛት ውስጥ ከሚገኘው የቺልጎክ ገጠር መንደር የመጡ አረጋውያን ሴቶች የራፕ ቡድን እንደ እዉቅናቸዉ እየጨመረ በመምጣቱ ዓለም አቀፍ አርዕስተ ዜና እያደረጋቸዉ ይገኛል፡፡ ሱኒ እና ሰባቱ ልዕልቶች ባለፈው አመት ላይ ነሀሴ ወር ላይ የጀመሩት ነገር ግን ያልተለመደው የራፕ ቡድን አሁን በመላው አለም እየታወቀ ይገኛል፡፡

የሴት አያቶች ቡድኑ አባላት ሰፋፉ ሱሪና ሹራብ አንገታቸው ላይ ሰንሰለት በማድረግ ስለገጠር አኗኗራቸው በተለይም በደቡብ ኮሪያ ገጠራማ አካባቢ ስለሚሰዋለዉ ነገር በራፕ ያቀነቅናሉ፡፡ስምንቱ የቡድኑ አባላት ከልጅነታቸው ጀምሮ የሚተዋወቁ ሲሆን ነገርግን የራፕ ቡድን ለመመስረት የወሰኑት ባለፈው አመት ነበር። በገጠር ውስጥ ማደጋቸዉ ትምህርት ለመከታተል እድል አልሰጣቸዉም ነበር፡፡

በ 2016 መጨረሻ የኮሪያ ፊደል የሆነዉን ሃንጉል ማንበብ እና መጻፍ ለመማር ወሰኑ፡፡አንድ ቀን የ 81 ዓመቷ የራፕ ቡድኑ መሪ ፓርክ ጆ ኦም ሰን በኢንተርኔት ላይ የራፕ ቪዲዮ ይመለከታሉ፡፡የሀንጉል መምህራቸውን አሳምነው እንዴት ራፕ ማድረግ እንደሚችሉ እንዲያስተምሯቸዉ አድርገዋል፡፡ሱኒ እና ሰባቱ ልዕልቶች ሐብሐብ መልቀም እና ሌሎች የገጠር አኗኗራቸውን የሚገልጹ ግጥሞችን መግጠም ጀመሩ፡፡

ባለፈው ዓመት የመጀመሪያ የራፕ ትርኢትያቸውን በትምህርት ቤት ጨዋታ ላይ አሳይተዋል። ዘመናዊ አልባሳት እና የአንገት ጌጣጌጦችን እንደ ሰንሰለት ከመጠቀም ባለፈ እንደ ታዋቂ ራፐረፐች አስቂኝ የእጅ ምልክቶችን ያሳያሉ፡፡ ከዚያን ጊዜ ጀምሮ ሱኒ እና ሰባቱ ልዕልቶች በደቡብ ኮሪያ መድረኮች እና በተለያዩ የቴሌቪዥን ፕሮግራሞች ላይ በተለያዩ ዝግጅቶች ላይ በስፋት መታየት ጀመሩ፡፡

እርጅና ላይ ብሆንም እንኳን ደስ ብሎናል የምትለዉ የቡድኑ መሪ ሱኒ ወጣት እንደሆንን ይሰማናል ስትል ተናግራለች።ሱኒ እና ሰባቱ ልዕልቶች በእስያ ውስጥ አርዕስተ ዜና የሆኑ ሲሆን ዓመት፣ አባላቱ ከ65 ዓመት በላይ የሆናቸውን ጂ-ፖፕ የተባለ የወንድ ባንድ ቡድን እዉቅና ማግኘቱ ይታወሳል፡፡

በስምኦን ደረጄ