ጥር 13፤2016 – የፍርድ ቤት ትዕዛዝ አልተቀበልከንም በማለት ግለሰብን ደብድበው ህይወቱ እንዲያልፍ ያደረጉት የቀበሌ ፅህፈት ቤት ሰራተኞች በእስራት ተቀጡ

 

በምስራቅ ሀረርጌ ዞን ደደር ወረዳ ቼካ ቀበሌ ከባለቤቱ የተላከለትን የእስር ማዘዣ አልቀበልም በማለቱ ደብድበው ህይወቱ እንዲያልፍ ያደረጉት ግለሰቦች በእስራት መቀጣታቸውን የደደር ወረዳ ፖሊስ አስታውቋል።

አልየ ሃምዳ የተባለው ግለሰብ  ከባለቤቱ ጋር በተፈጠረ አለመግባባት ሁለት ልጆቿን  ይዛ ከቤት መውጣቷን እንዲሁም የፍርድ ቤት ቀጠሮ ላይ መሆኑ ተረጋግጧል፡፡  ይሁን እና ባለቤቱ ከቤት ከወጣች በኋላ የገንዘብ ችግር ያጋጥማታል፡፡ በዚህም ሰዓት ንብረቴን ትካፈለኛለች በማለት ንብቱን ማሸሽ ፣ መሸጥ ፣ መለወጥ ጅምሮ እንደነበር የደደር ወረዳ ፖሊስ አዛዥ ኢንስፔክተር  ግዛቸው ተፈራ በተለይ ለብስራት ሬዲዮ እና ቴሌቪዥን ተናግረዋል፡፡

በመሆኑም በፍርድ ቤት የወጣውን የንብረት እግድ  የያዘ የትዕዛዝ  ደብዳቤ ለማድረስ የአካባቢው የጸጥታ አካላት የሆኑት አብዱልዓማን የሱፍ ፣ ጀማል አቡበከር ፣ ጃፋር ሶፊያን    ትእዛዙን ለማድረስ ወደ ተጎጂው መኖሪያ ቤቱ ያመራሉ  ። ነገር ግን ትዕዛዙን አልቀበልም በሚል በመካከላቸው ግጭት ይፈጠራል ።

ሶስቱ ግለሰቦች አልታዘዘንም በማለት ወደ ቀበሌ ጽ /ቤት ለመውሰድ ሲሞክሩ አልሄድም እንዳለቸው ቃላቸውን ለፖሊስ ሰጥተዋል።  የተፈጠረው ግጭት ከቃላት አልፎ ወደ ዱላ ይቀየር እና በያዙት ዱላ ጆሮ ግንዱን መተው እጅ እና እግሩን  አስረው ወደ  ቀበሌ ጽ/ቤት  ይወስዱታል፡፡

ወደ ቀበሌ ጽ/ቤት ሲደርስ ከፍተኛ ጉዳት ደርሶበት የነበረ በመሆኑ ወዲያው ወደ ህይወት ፋና ሆስፒታል ይወስዱታል፡፡ ለሁለት ቀናት የህክምና ክትትል  ሲደግለት ቢቆይም ህይወቱ ማትረፍ አልተቻለም፡፡

ሶስቱ ግለሰቦችም የተሰጣቸውን ስልጣን በመጠቀም አላግባብ በኃይል በታገዝ መንገድ ሰው ለመያዝ በመሞከር እና በመደብደብ ወንጀል ዓቃቢ ህግ ክስ መስርቶባቸዋል፡፡

ጉዳዩን ሲከታተል የነበረው የምስራቅ ሀረረጌ  ዞን  ከፍተኛ ፍርድ ቤት ጥር 10 ቀን 2016 ዓ.ም ተከሳሾችን ጥፋተኛ በማለት እያንዳንዳቸውን በስምንት ዓመት ከስድስት ወር እስራት እና በአራት ሺህ ብር የገንዘብ መቀጮ ቅጣት የወሰነባቸው መሆኑን ኢንስፔክተር ግዛቸው ተፈራ  ጨምረው ለብስራት ሬዲዮ እና ቴሌቪዥን ተናግረዋል፡፡

በኤደን ሽመልስ

photo_2024-01-22_18-36-12

ጥር 13፤2016 – ታዋቂዉ አሜሪካዊዉ ራፐር አፍሪካ ዉስጥ የሚገኙ ሰዎች ሙዚቃን በምን ቴክኖሎጂ ነዉ የሚሰሙት በማለቱ ከፍተኛ ትችት ተሰነዘረበት

 

ታዋቂው የዩናይትድ ስቴትስ ራፐር ሜክ ሚል በናይጄሪያ እና በደቡብ አፍሪካ ያሉ ሰዎች እንዴት ሙዚቃን እንደሚያዳምጡ በመጠየቁ ከፍተኛ ትችቱ በጥቁር አሜሪካዊዉ ድምጻዊዉ ላይ ተቀስቅሷል፡፡

“ብዙ ሰዎች የእኔን ሙዚቃ በደቡብ አፍሪካ ይጫወታሉ? ከጥቂት አመታት በፊት እዚያ ትልቅ ትርኢት እንደነበረኝ አስታውሳለሁ። በደቡብ አፍሪካ ያላችሁ ሰዎች ግን የኛን ሙዚቃ እንዴት ነው የምታዳምጡት? በየትኛው መድረክ ነው በተመሳሳይ ናይጄሪያ ውስጥ የምትገኙ ሰዎች ሙዚቃችንን በምንድን ነዉ የምታዳምጡት?” በማለት በቀድሞ ትዊተር በአሁኑ ኤክስ ላ|ይ ሀሳቡን አስፍሯል፡፡

በጉዳዩ ላይ ብስጭት የተሰማቸዉ በርካታ አፍሪካውያን የድምጻዊዉን ፅሁፉ አላዋቂ እና ስድብ ሲሉ ተችተዋል። በራፐሩ ላይ ጹሁፉን ባጋራበት ፍጥነት ብዙም ሳይቆይ ትችት ያጋጠመ ሲሆን የመወያያ ርዕስ ሆነ ቀጥሏል።ተቺዎች እንደሚሉት የራፕሩ ጥያቄ አፍሪካ ሙዚቃን ለመስማት በቴክኖሎጂ የራቀች ነች የሚል ግምት እንዳለዉ ያሳያል ብለዋል፡፡

አንዳንድ አፍሪካውያን ለራፐሩ በሰጡት የአጸፋ ምላስ በዝሆን ኩንቢ እና በከተማ የድምጽ ማጉያ ሙዚቃን ያዳምጣሉ በማለት በቀልድ መልክ በራፐር ላይ አሾፈዋል።ድምጻዊዉ ሚክ ሚል ጥያቄውን ያቀረበው ሙዚቃው በአፍሪካ እንዴት እየተሰራጨ እንደሆነ ለመረዳት መሆኑን አስተባብሏል፡፡የእኔ ጥያቄ በአፍሪካ ውስጥ ሙዚቃዬን እንዴት እንደሚያዳምጡ እየጠየቅኩ ነበር፤ ምክንያቱም ንግዴን ማስፋት ስለምፈልግ እና የትኛውም የስራ ዉሎቼ በአፍሪካ የእኔን ስራ ለማሰራጨት ስላለኝ መብት አይነግሩኝም ብሏል፡፡

በመሠረቱ ጥያቄዬ የገንዘብ ነዉ፤ በደቡብ አፍሪካ ውስጥ የእኔ ስራዎች ጥቅም ላይ ይውላሉ ግን በምን መድረኮች እንደሚሸጡ አላዉቅም ሲል የተሰነዘረበትን ትችት የሚያለዝብ አስተያየር ሰጥቷል፡፡በማለት እሁድ እለት ተናግሯል፡፡ራፐሩ ባለፈው አመት በጋና ፕሬዚዳንታዊ ቤተ መንግስት ውስጥ የሙዚቃ ቪዲዮ በመቅረጽ ትችት ገጥሞት ነበር፡፡

በሚሊዮን ሙሴ

ጥር 13፤2016 – በአሜሪካ በከባድ አውሎ ንፋስ ከ90 በላይ ሰዎች ህይወታቸዉ ማለፉ ተሰማ

 

በዩናይትስ ስቴትስ ባለፈው ሳምንት በአስከፊ የክረምት አውሎ ንፋስ ከ90 በላይ ሰዎች ህይወት ማለፉ ተመዝግቧል።ሞት ከተመዘገበባቸዉ መካከል በቴነሲ ቢያንስ 25 እና በኦሪገን 16 ሰዎች ህልፈት ይፋ ተደርጓል፡፡ ከባድ የበረዶ አውሎ ነፋሱን ተከትሎ የአስቸኳይ ጊዜ አዋጅ ታዉጇል፡፡በአስር ሺዎች የሚቆጠሩ ሰዎችም በሀገሪቱ የኃይል አቅርቦት ተቋርጦባቸዋል፡፡

በሚቀጥሉት ጥቂት ቀናት ውስጥ የበረዶ ግግር ይቀላል ተብሎ ይጠበቃል።ሲቢኤስ ቴሌቪዥን ባገኘው መረጃ መሰረት ባሳለፍነው ሳምንት ውስጥ በአጠቃላይ 92 ከአየር ንብረት ጋር የተያያዙ የሞት አደጋዎች በመላ ሀገሪቱ ተመዝግበዋል።በቴነሲ እና በኦሪገን የሟቾች ቁጥር ከፍተኛ ቢሆንም በሚሲሲፒ፣ ኢሊኖይ፣ ፔንስልቬንያ፣ ዋሽንግተን፣ ኬንታኪ፣ ዊስኮንሲን፣ ኒው ዮርክ፣ ኒው ጀርሲ እና ሌሎችም ከተሞች ላይ የሰዎች ህልፈት ተመዝግቧል።

ባለፈው ረቡዕ በፖርትላንድ ኦሪገን ውስጥ በአንድ ክስተት፣ ኃይለኛ ንፋስ የኤሌክትሪክ መስመር ወድቆ ይጓዙበት የነበረውን ተሽከርካሪ በመምታቱ ሶስት ሰዎች በኤሌክትሪክ አደጋ ህይወታቸዉ አልፏል። በተሽከርካሪው ውስጥ የነበረ ህፃን ከሞት ተርፏል።በሚሲሲፒ የአየር ሁኔታዉን ተከትሎ ባለሥልጣናቱ አሽከርካሪዎች “አስፈላጊ ከሆነ ብቻ እንዲያሽከረክሩ” ትዕዛዝ አስተላልፏል፡፡በሚሲሲፒ የሚገኙ ኮሌጆች እና ዩኒቨርስቲዎች ተማሪዎች ከክረምት እረፍት የሚመለሱበትን ሁኔታ እንዲዘገይ አድርገዋል፡፡

በክረምቱ የአየር ጠባይ ምክንያት በአሜሪካ የተለያዩ አካባቢዎች የኤሌክትሪክ ኃይል በአብዛኛው ወደነበረበት የተመለሰ ቢሆንም፣ በአሥር ሺዎች የሚቆጠሩ ሰዎች አሁንም ያለ ኃይል አቅርቦት ይቆያሉ፡፡እስከ እሑድ ምሽት ድረስ በኦሪገን 45ሺ ሰዎች ኃይል አጥተው ነበር። በፔንስልቬንያ፣ ካሊፎርኒያ፣ ኒው ሜክሲኮ እና ኢንዲያና ተጨማሪ የኤሌክትሪክ መቆራረጥ ተዘግቧል።

የብሔራዊ የአየር ሁኔታ አገልግሎት በዛሬዉ እለት ሰኞ ለአርካንሳስ እና ኦክላሆማ ከፍተኛ የበረዶ አውሎ ንፋስ ሊኖር ይችላል ሲል ማስጠንቀቂያ ሰጥቷል፡፡

ጥር 13፤2016 – በሀረማያ ወረዳ በቧንቧ ውሃ ወረፋ ላይ በተፈጠረ ጸብ የሰዉ አካል ያጎደለችው ግለሰብ በእስራት ተቀጣች

 

በምስራቅ ሀረርጌ ዞን ሀረማያ ወረዳ ውስጥ በቧንቧ ውሃ ወረፋ ላይ በተፈጠረ ጸብ በድንጋይ የአንዲትን ግለሰብን አራት ጥርስ ላይ ጉዳት ያደረሰችው ተከሳሽ  በእስራት መቀጣቷን  የሀረማያ ወረዳ ፖሊስ ጽ/ቤት  ወንጀል ምርመራ  ክፍል ሃላፊ ኢንስፔክተር ተስፋዬ አየለ በተለይ ለብስራት ሬዲዮ  እና ቴሌቪዥን ተናግረዋል።

ተከሳሽ ናሂ አህመድ የውሃ ቧንቧ ወረፋ ይዘው ሲቀዱ ከነበሩ ሶስት ግለሰቦች ውስጥ ዘሃራ በከር  ጋር በወረፋ ምክንያት በመጣላታቸው ጉዳት ልታደርስባት መቻሏ ተረጋግጧል ።መጠኑ ትልቅ የሆነ ድንጋይ በመወርወር አራት ጥርሶቿ ላይ ጉዳት ያደረሰች ሲሆን አንደኛው ጥርስ በመውለቁም በአካል ማጉደል በቁጥጥር  ስር ውላለች።

በወንጀለኛ መቅጫ ህግ መሰረትም ክስ ተመስርቶባታል ። የክስ መዝገቡ  በሰው እና በሰነድ ማስረጃ ተረጋግጦ  ጥፋተኛ መሆኗን የሀረማያ ከተማ ከፍተኛ ፍርድ ቤት አረጋግጧል ። በዚህም መሰረት ፍርድ ቤቱ በተከሳሿ ላይ የሁለት ዓመት እስራት እንድትቀጣ የወሰነባት መሆኑን ኢንስፔክተር  ተስፋዬ አየለ ጨምረው ለብስራት ሬዲዮ እና ቴሌቪዥን ተናግረዋል።

በኤደን ሽመልስ

ጥር 13፤2016 – ባለፉት ስድስት ወራት ከ19 ሺህ በላይ ዜጎች ከጎዳና ላይ እንዲነሱ መደረጉ ተገለጸ

 

በተጠናቀቀው ግማሽ አመት 19 ሺህ 756 ዜጎችን ከጎዳና ላይ በማንሳት የማቋቋም ስራ መከናወኑን የሴቶችና ማህበራዊ ጉዳይ ሚኒስቴር አስታወቀ፡፡

የሴቶችና ማህበራዊ ጉዳይ ሚኒስቴር የማህበራዊ ዘርፍ ሚኒስትር ዲኤታ ሁሪያ አሊ  እንደተናገሩት ባለፉት ስድስት ወራት በከተማ ልማታዊ ሴፍትኔትና ሥራ ፕሮጀክት 4 ሺህ 550 እንዲሁም ከክልሎችና ከፌዴራል ከተማ አሥተዳደሮች በተገኘ በጀት 15 ሺህ 206 ወገኖችን ከጎዳና ላይ በማንሳት የተቋም አገልግሎት እንዲያገኙ እና  ወደ መጡበት አካባቢና ቤተሰቦቻቸው ተመልሰው እንዲቋቋሙ ተደርጓል።

በጎዳና የሚገኙ ወገኖችን ለማንሣት እንደ ሀገር እስካሁን በተከናወነው ሥራ የተነሺዎች ቁጥር ከነበረበት 39 ሺህ 082 ወደ 54 ሺህ 288 ከፍ ማለቱንም ሚኒስትር ዲኤታዋ መናገራቸውን ብስራት ሰምቷል።

በቅድስት ደጀኔ

ጥር 13፤2016 – የእስራኤል ጥቃት ከጀመረ ወዲህ በጋዛ ከ25ሺ በላይ ሰዎች መገደላቸውን በሃማስ የሚመራው የጤና ሚኒስቴር አስታወቀ

 

👉 በ24 ሰዓታት ውስጥ 178 ፍልስጥኤማውያን ተገድለዋል

በሃማስ የሚመራው የጤና ሚኒስቴር እንዳስታወቀው እስራኤል ባካሄደችው ጥቃት እስከአሁን በጋዛ ሰርጥ ከ25,000 በላይ ሰዎች ተገድለዋል። ባለፉት 24 ሰዓት ውስጥ ብቻ 178 ሰዎች መገደላቸው የተገለፀ ሲሆን ይህም እስካሁን በጦርነቱ በአንድ ቀን ከተገደሉት ሰዎች በከፍተኛ ከተመዘገቡት መካካል አንዱ ያደርገዋል።

ጦርነቱ በቀጠለበት ወቅት የእስራኤል ጠቅላይ ሚኒስትር ቤንያሚን ኔታንያሁ የፍልስጤም አገር መፍጠርን በድጋሚ እንደማይቀበሉ አስታውቀዋል። ዋይት ሀውስ ዩናይትድ ስቴትስ እና እስራኤል የሁለት ሀገር መፍትሄን በተመለከተ “ነገሮችን በተለየ መንገድ በግልፅ ያዩታል” ብሏል። የእስራኤል የአየር እና የምድር ዘመቻ በአሁኑ ጊዜ በደቡባዊ ጋዛ ላይ ያተኮረ ሲሆን ወታደሮቹ የሐማስ ከፍተኛ አዛዦችን በካን ዮኒስ ከተማ ውስጥ እንደሚገኙ በማስታወቅ ማጥቃቱን ቀጥሏል።

የእስራኤል መከላከያ ሃይል 830 ሜትር ርዝመት ያለው ዋሻ ማግኘቱን ገልጿል።የእስራኤል ወታደሮችም በጋዛ ሰርጥ ሰሜናዊ ክፍል እንደገና ጥቃት ገጥሟቸውል። የእስራኤል ወታደሮችን እና ታንኮችን ወደ ደቡብ ሲያንቀሳቅስ ሃማስ በጃባሊያ ከተማ ዙሪያ ያለውን ክፍት ቦታ ዳግም መቆጣጠሩ ተነግሯል። ግጭቱ ከተቀሰቀሰ ከሦስት ወራት በላይ ቢያስቆጥርም ብሎም የእስራኤል ሠራዊት ከሃማስ አቅም እጅግ የላቀ ቢሆንም አሁንም በጋዛ ላይ ከፍተኛ ውጊያ እየገጠማቸው ይገኛል።

የአሜሪካ የስለላ ኤጀንሲዎች የእስራኤል ጦር ከ20 እስከ 30 በመቶ የሚሆኑ የሃማስ ተዋጊዎችን እንደገደለ ይገምታሉ፣ይህም ኔታንያሁ የታጠቀውን ቡድን “ሙሉ በሙሉ ለማጥፋት” ከገለፁት አላማ እጅግ ያነሰ ነው። ሚስጥራዊው ዘገባው ሃማስ አሁንም በእስራኤል ወታደሮች ላይ ለወራት ትግል ለማድረግ በቂ ጥይቶች እንዳሉት ተነግሯል።ይህም እስራኤል የተራዘመ ጦርነት እንደሚጠብቃት ማሳያ ሆኗል።

በስምኦን ደረጄ

ጥር 13፤2016 – የኢትዮጵያ መንገዶች አስተዳደር ለመስራት ካቀዳቸዉ 54 የዲዛይን ፕሮጀክቶች ዉስጥ 21 ያህሉን በጸጥታ ችግር መተግበር እንዳልቻለ አስታወቀ

 

የኢትዮጵያ መንገዶች አስተዳደር ዋና ዳይሬክተር ኢንጂነር መሐመድ አብዱራህማን የ 2016 አመት ስድስት ወራት የስራ አፈጻጸም ሪፖርትን ለህዝብ ተወካዮች ም/ቤት የከተማ መሰረተ ልማትና ትራንስፖርት ጉዳዮች ቋሚ ኮሚቴ አቅርበዋል።

አስተዳደሩ በወራቱ ለመከወን ካከቀዳቸዉ 54 የዲዛይን ፕሮጀክቶች ዉስጥ 21 ያህሉን በጸጥታ ችግር መተግበር እንዳልቻለ ዋና ዳይሬክተሩ ለቋሚ ኮሚቴዉ ተናግረዋል። በዚህም በስድስቱ ወራት የነበረዉ የዲዛይን ስራዎች አፈጻጸም 57 በመቶ ሲሆን ይህም ዝቅተኛ እንዲሆን እንዳደረገበት ብስራት ራዲዮና ቴሌቪዥን ሰምቷል። በተጨማሪም በዉጭ አማካሪ ድርጅት ለተሰራ ስራ ክፍያ የዉጭ ምንዛሪ በመዘግየቱ የተጓተቱ ፕሮጀክቶች መኖራቸዉንም ዋና ዳይሬክተሩ አንስተዋል። በተለያዩ ምክኒያቶችም 84 ፕሮጀክቶች መቋረጣቸዉ እና ሙሉ በሙሉ የኮንትራት ዉላቸዉ መዘረዙም ተነግሯል።

የግብዓት እጥረት ፣ የወሰን ማስከበር ችግር እና የተጋነነ የካሳ ተመን ተቋሙ በወራቱ ካጋጠሙት ችግሮች ዉስጥ ችግር ሆነዉ መቀጠላቸውን አስረድተዋል። ሌላዉ አስተዳደሩ በመንገዶች ጥገና እና ግንባታ በወራቱ የተሻለ አፈጻጸም ማሳየቱ በሪፖርቱ ተጠቅሷል።

በአሁኑ ሰዓት አጠቃላይ የመንገድ ሽፋን በኢትዮጵያ 169 ሺህ 450 ኪ.ሜ መድረሱን የኢትዮጵያ መንገዶች አስተዳደር ዋና ዳይሬክተር ኢንጂነር መሐመድ አብዱራህማን መናገራቸውን ብስራት ሰምቷል።

በበረከት ሞገስ

photo_2024-01-22_13-20-03

ጥር 13፤2016 – በኬንያ የሚገኙ የአርሰናል ደጋፊዎች ከድል በኋላ በቤተክርስቲያን ዉስጥ ምስጋና አቀረቡ

 

በኬንያ ርዕሰ መዲና ናይሮቢ የሚገኙት የአርሰናል ደጋፊዎች ቅዳሜ እለት ባደረጉት የፕሪሚየር ሊግ ጨዋታ ቡድናቸው ክሪስታል ፓላስን 5 ለ 0 በመርታቱ አድናቆትን ከማትረፍ ባለፈ በአንድ አጥቢያ ቤተክርስትያን በመሰባሰብ ምስጋና አቅርበዋል፡፡

ደጋፊዎቹ የመድፈኞቹን ማሊያ ለብሰው በእሁድ ጠዋት አገልግሎት ላይ ቡድናቸው ላሳየው አስደናቂ ብቃት በደስታ ውዳሴ እና ምስጋና አቅርበዋል።በመጪው የውድድር ዘመን ለአርሰናል ቀጣይ ስኬት ተስፋ በማድረግ ጸሎት አቅርበዋል።

ከታዳሚዎቹ መካከል ጋዜጠኛ ኬኔዲ ሙሪቲ በፀሎት ስነ ስርዓቱ ላይ የተነሱትን ፎቶዎች በማህበራዊ ሚዲያ ተጋርቷል።የሰሜን ለንደኑ አርሰናል አንድ ጨዋታ ከሚቀረው ማንቸስተር ሲቲ እኩል እና ከሊቨርፑል በአምስት ነጥብ ዝቅ ብሎ ተቀምጧል።

ፎቶዎቹ በማህበራዊ ድረ-ገጾች ላይ የተለያዩ አስተያየቶችን የፈጠሩ ሲሆን አንዳንዶቹ በደጋፊዎች ላይ ተሳልቀዋል፡፡

በስምኦን ደረጄ

photo_2024-01-22_07-44-58

ጥር 13፤2016 – ሮን ዴሳንቲስ ከፕሬዝዳንትነት ውድድር በመውጣት ትራምፕን በይፋ ደገፉ

 

የፍሎሪዳ ገዥ ሮን ዴሳንቲስ እ.ኤ.አ. ከ2024 ፕሬዚዳንታዊ ውድድር ራሳቸውን በማግለል ዶናልድ ትራምፕን ደግፈዋል። በኒው ሃምፕሻየር ከሚካሄደው የሪፐብሊካን ምርጫ አስቀድመው ይህንኑ ውሳኔ አሳልፈዋል። ዴሳንቲስ በአንድ ወቅት ለፓርቲው እጩ ጠንካራ ተፎካካሪ ተደርገው ይወሰድ የነበረ ቢሆንም በትላንትናው እለት ግን ይህ ፉክክራቸው እንዳበቃ እና ለሪፐብሊካን እጩነት የሚያበቃ ግልፅ የድል መንገድ የለም ብለዋል ።

የትራምፕ የመጨረሻ ቀሪ ተፎካካሪ የሆነችው ኒኪ ሃሌይ ስትሆን የወቅቱን የዩናይትድ ስቴትስ ፕሬዝዳንት ጆ ባይደንን ማሸነፍ የምችለው እኔ ብቻ ነኝ ስትል ናግራለች። ኒኪ ሃሌይ በነገው እለት በኒው ሃምፕሻየር ከትራምፕ ጋር ፊት ለፊት ይፎክራሉ ተብሎ ይጠበቃል። ይህም በህዳር ወር አጠቃላይ ምርጫ የሪፐብሊካን እጩን ለመምረጥ በግዛት ውድድር ለሁለተኛ ጊዜ ነው።እሁድ ከሰአት በኋላ በኤክስ ላክ በተለቀቀው አምስት ደቂቃ የሚጠጋ ቪዲዮ ላይ  ዴሳንቲስ ዘመቻዬ አብቅቷል ብለዋል።

የፍሎሪዳ ገዥው በአዮዋ የመጀመሪያውን ውድድር 51 በመቶ ድምጽ በማሸነፍ ግንባር ቀደም የሆኑትን ትራምፕን እደግፋለሁ ብለዋል።ዴሳንቲስ አብዛኞቹ የሪፐብሊካን መራጮች “ለዶናልድ ትራምፕ ሌላ እድል መስጠት እንደሚፈልጉ” ግልጽ ሆኖ ተገኝቷል ብለዋል።ከቀድሞው ፕሬዝዳንት ጋር አለመግባባቶችን እንደነበረ ግን ዴሳንቲስ አምነዋል ።ነገር ግን ትራምፕ በህዳር አጠቃላይ ምርጫ የዴሞክራቲክ እጩ ከሆኑት ባይደን በላይ ናቸው ብለዋል ።

ዴሳንቲስ “የሪፐብሊካንን እጩ ለመደገፍ ቃል ፈርሜያለሁ፣ እናም ይህን ቃል አከብራለሁ” ብለዋል። ትራምፕ እሁድ ከሰአት በኋላ በኒው ሃምፕሻየር ውስጥ ለተሰበሰቡ ደጋፊዎቻቸው ስለ ዴሳንቲስ ከተፎካካሪነት ራሳቸውን ማግለል አስመልክቶ የመጀመሪያ አስተያየታቸውን ሲሰጡ ከፍተኛ ደስታ ውስጥ ነበሩ። በድጋፍ ሰልፍ ላይ ለተገኙት ታዳሚዎች ንግግር ሲያደርጉ፣  የቀድሞ ተቀናቃኛቸውን “በጣም አስፈሪ ሰው” ሲሉ ገልጸዋል፣ በማከልም “በጣም ጥሩ ዘመቻ አካሂዷል፣ ቀላል አልነበረም” ብለዋል።

በቤዛዊት አራጌ

Screenshot 2024-01-21 202649

ጥር 12፤2016 -በታታ ሙምባይ ማራቶን ኢትዮጵያዊያን አትሌቶች በሁለቱም ጾታ አሸነፉ

 

ኢትዮጵያውያኑ አትሌቶሽ  በታታ ሙምባይ ማራቶን በበላይነት የጨረሱ ሲሆን የዓምናው ሻምፒዮኑ  ለሚ ብርሃኑ እና አበራሽ ሚንሰዎ በዛሬው እለት በተካሄደው ውድድር በወንዶች እና በሴቶች አሸንፈዋል።

ሙሉ ውጤት

በወንዶች

1.ለሚ ብርሃኑ           2:07:50 🇪🇹

2. ኃይማኖት አለው    2:09:03 🇪🇹

3.ምትኩ ታፋ           2:09:58 🇪🇹

4.ጆሽዋ ኮጎ            2:10:00 🇰🇪

5.ዲክሰን ኪፕቱ        2:11:26 🇰🇪

6.ዮሃንስ መካሻ.       2:14:39 🇪🇹

7.አሌክስ ኪባሩስ          2:16:09 🇰🇪

8.ሲሪኑ ቡጋታህ        2:17:29 🇮🇳

——
በሴቶች

1.አበታሽ ሚንሰው  2:26:06 🇪🇹

2.ሙሉኃብት ፀጋ    2:26:51 🇪🇹

3. መድኅን ደጀኔ     2:27:34 🇪🇹

4.ዓይንአዲስ ተሾመ 2:27:58 🇪🇹

5.አበራሽ ደምሴ 2:29:04 🇪🇹

6.አንቺዓለም        2:29:58 🇪🇹

7.አያንቱ ገመቹ   2:30:19 🇪🇹

8.ፋንቱ ገለዛ         2:30:31 🇪🇹

በስምኦን ደረጄ